एजेन्सी – भारतले इङ्ल्यान्डविरुद्धको चौथो टेस्ट जित्नका लागि दोस्रो इनिङ्समा अब १ सय ५२ रन बनाए पुग्नेछ । इङ्ल्यान्ड दोस्रो इनिङ्समा १ सय ४५ रनमा अलआउट भएपछि भारतले जितका लागि १ सय ९१ रनको लक्ष्य पाएको हो ।

तेस्रो दिनको खेल सकिदा भारतले विना विकेटको क्षति ४० रन बनाएको छ । कप्तान रोहित शर्मा २४ र यशस्वी जैसवालले १६ नकआउट छन् । दुई दिनको खेल बाँकी रहँदा भारत बलियो अवस्थामा रहेको छ । ७ विकेटको क्षेतिमा २ सय १९ रनबाट भारतले तेस्रो दिन आइतबारको खेल सुरु गरेको थियो ।

३० रनबाट खेल अघि बढाएका ध्रुब जुरेल शतक बनाउनबाट १० रन चुकेका थिए । १७ रनबाट दिनको सुरुवात गरेको कुलदीप यादवले २८ रन बनाएका थिए । भारतले पहिलो इनिङ्सले ३ सय ७ रनमा अलआउट भएको थियो । इङ्ल्यान्डले पहिलो इनिङ्समा ३ सय ५३ रन बनाएको थियो ।

इङ्ल्यान्ड दोस्रो इनिङ्समा भारतीय स्पिनरले ध्वस्त बनाएका थिए । रविचन्द्रन आश्विनले ५, कुलदीप यादवले ४ र रविन्द्र जडेजाले १ विकेट लिएका थिए । इङ्ल्यान्डका लागि ओपनर ज्याक क्रेवेलले अर्धशतक बनाएका थिए ।

क्रेवेलले टोलीका लागि सर्वाधिक ६० रन अर्का ओपनर बेन डकेटले १५, पहिलो इनिङ्समा शतक बनाएका जो रुटले ११, जोनी ब्रेस्टोले ३०, बेन फोक्सले १७ रन बनाउँदा अन्य ब्याटरले दोहोरो अंकमा रन बनाउन सकेनन् । ५ टेस्टको श्रृखंलामा भारत २–१ अगाडि छ ।