एजेन्सी – बेन डकेटले शतक प्रहार गरेपछि इङ्ल्यान्डले भारतविरुद्धको तस्रो टेस्टको पहिलो इनिङमा प्रभावशाली प्रदर्शन गरेको छ । राजकोटमा जारी टेस्टको दोस्रो दिन शुक्रबारको खेल सकिँदा इङ्ल्यान्डले २ विकेटको क्षेतिमा २ सय ७ रन बनाएको छ ।

डकेटले ८८ बलमा तेस्रो शतक पूरा गरेका थिए । ८० बलमा ८४ रन बनाएका डकेटले पहिलो विकेटका लागि १ सय २ बलमा ९३ रनको साझेदारी गरेका छन् । दिनको खेल सकिदा डेकेट १ सय १८ बलमा १ सय ३३ रन बनाउँदै नटआउट छन् । उनले २ छक्का र २१ चौका प्रहार गरे । पहिलो इनिङमा इङ्ल्यान्ड २ सय ३८ रनले पछाडि छ । भारतले पहिलो इनिङमा ४ सय ४५ रन बनाएको थियो ।

५ विकेटको क्षेतिमा ३ सय २६ रनबाट भारतले दोस्रो दिनको खेल अघि बढाएको थियो । दिनको पहिलो पाँच ओभरमा कुलदिप यादव र रविन्द्र जडेजा आउट भएका थिए । अघिल्लो दिन १ सय १० रनमा नटआउट रहेका जडेजा १ सय १२ रनमा आउट भएका थिए ।

सोही खेलबाट डेब्यू गरेका ध्रुब जुरेल र रविचन्द्र आविश्नले ७९ रनको साझेदारी गर्दै भारतको इनिङ्सलाई अघि बढाएका थिए । जुरेले ४६, आश्विनले ३७ रन बनाए । जसप्रित बुम्राले २६ रन जोडेका थिए । इङ्ल्यान्डको २ विकेट मोहम्मद सिराज र आश्विनले लिएका थिए ।

ज्याक क्रावेलको विकेट लिदै आश्विनले टेस्ट क्रिकेटमा ५ सय विकेट पूरा गरेका छन् । टेस्ट क्रिकेटमा ५ सय विकेट लिने उनी नवौं खेलाडी बनेका छन् । भारतका लागि अनिल कुम्ब्लेले मात्र टेस्ट क्रिकेटमा आविश्वले भन्दा बढी ६ सय १९ विकेट लिएका छन् । ओली पोपेको विकेट सिराजले लिएका थिए । पाँच टेस्टको श्रृखंलामा १–१ को बराबरी छ ।