एजेन्सी – कप्तान रोहित शर्मा र रविन्द्र जडेजाले शतक प्रहार गरेपछि इङ्ल्यान्डविरुद्धको तेस्रो टेस्टको पहिलो दिन भारतले दमदार सुरुवात गरेको छ । पहिलो दिन बिहीबारको खेल सकिँदा भारतले ५ विकेटको क्षेतिमा ३ सय २६ रन बनाएको छ ।

राजकोटमा टस जितेर ब्याटिङ गरेको भारतले सुरुवातमा भने संघर्ष गर्नु परेको थियो । पहिलो घन्टामालाई ३३ रन बनाउँदा ३ विकेट गुमएको थियो । रोहितले १७ रनमा जीवनदान पाएका थिए । त्यहाँबाट सम्हालिएका रोहितले शतकीय इनिङ खेलेका थिए ।

१ सय ३१ रन बनाएका रोहितले चौथो विकेटका लागि जडेजासँग २ सय ४ रनको साझोदारी गरेका थिए । रोहितको टेस्ट क्रिकेटमा त्यो दसौं शतक हो । ह्यामिस्ट्रिङ समस्याबाट मुक्त भएर फर्केका जडेजालाई पाँचौं नम्बरमा खेलाइरहेको थियो ।

ओपनर रोहित आउट भएपछि सोही खेलबाट अन्तर्राष्ट्रिय क्रिकेटमा डेब्यू गरेका सरफराज खानले जडेजासँग ७७ रनको साझेदारी गरेका छन् । फस्ट क्लास क्रिकेटमा ७० को औसतमा ब्याटिङ गरेका सरफराजको डेब्यू क्याप दिदा उनका बुवाले भावुक हुँदै आखाँभरी आसु पारेका थिए । रनआउट भएका सरफराजले ६६ बलमा ६२ रन बनाएका थिए ।

जडेजा ९९ रनमा हुँदा एक रनका लागि दौडेका सरफराज रनआउट भएका थिए। त्यसपछिको अर्को बलमा जडेजाले एक रन लिदै शतक पूरा गरेका थिए । सरफराजको विकेट भने इङ्ल्यान्डका लागि उपहार जस्तै भएको थियो । टेस्टमा तेस्रो शतक बनाएका जडेजा १ सय १० रनमा नटआउट छन् । कुलदिप जादबले १ रनमा नटआउट छन् ।

दोस्रो टेस्ट गुमाएका मार्क उडले ३ विकेट लिएका थिए । अर्को विकेट टम हार्टीले लिएका थिए । अर्का ओपनर यशस्वी जैसवाल १० रन, सजत पाटिदार ५ रनमा आउट भएका थिए । शुभमन गिलले खाता नखोल्दै आउट भए । ५ टेस्टको श्रृखंलामा १–१ को बराबरी छ ।