7 months ago
February 12, 2024
काठमाडौं (हाम्रो खेलकुद) – पोखरामा जारी मनमोहन स्मृति यू-१६ क्रिकेट प्रतियोगितामा गण्डकी प्रदेशले लगातार दोस्रो जित दर्ता गर्दा बागमती पनि विजयी भएको छ ।
दिनको पहिलो खेलमा बागमतीले कर्णाली प्रदेशलाई ४ विकेटले हरायो । कर्णालीले पहिलो ब्याटिङ गर्दै २१.५ ओभरमा अलआउट हुनुअघि १ सय ३ रन जोडेको थियो । प्लेयर अफ द म्याच रोहित ठाकुरले मात्र ३ रन खर्चेर ४ विकेट लिएका थिए । दिपक खत्रीले सर्वाधिक ४१ रन जोडे ।
जवाफमा बागमतीले २४.१ ओभरमा ६ विकेट गुमाएर लक्ष्य पूरा गर्यो । कप्तान सुर्यान्शु कोइरालाले नटआउट ६० रन जोड्दै जितको आधार तयार पारेका थिए । बागमती
त्यस्तै दिनको दोस्रो खेलमा गण्डकीले लगातार दोस्रो जित दर्ता गर्ने क्रममा कोशी प्रदेशलाई ४९ रनले हरायो । ओपनर रोहित चन्दको ३४ र युगान्त खत्रीको नटआउट ३५ रनमा गण्डकीले २५ ओभरमा १ सय ७३ रनको विशाल योगफल खडा गरेको थियो ।
जवाफमा कोशीले २५ ओभरमा ९ विकेट गुमाउँदै १ सय २४ रन मात्र जोड्न सके । सिउंश बजगाईंले ३३ र रविन मण्डलले ३२ रन जोड्नुबाहेक अन्यले महत्त्वपूर्ण योगदान दिन सकेनन् । प्लेयर अफ द म्याच घोषित रोहितले अलराउन्ड प्रदर्शन गर्ने क्रममा २ विकेट पनि लिए ।
गण्डकी २ खेलमा ४ अंक जोड्दै सेमिफाइनलमा प्रवेश गर्ने बलियो सम्भावना छ । कोशी र बागमतीको २-२ अंक हुँदा कर्णाली अंकविहिन छ ।
प्रतियोगिताको समूह ए मा कोशी, बागमती, गण्डकी र कर्णाली छन् । समूह बी मा आयोजकसँगै मधेश, लुम्बिनी र सुदूरपश्चिम छन् । समूहको शीर्ष २ टोलीले सेमिफाइनलमा प्रतिस्पर्धा गर्नेछन् । फाइनल फागुन ७ गते हुनेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]