9 months ago
February 10, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका कप्तान रोहित कुमार पौडेल क्यानडाविरुद्ध जारी एकदिवसीय अन्तर्राष्ट्रिय सिरिजमा लगातार प्लेयर अफ द म्याच चुनिएका छन् ।
शनिबार कीर्तिपुरस्थित टियु क्रिकेट मैदानमा सम्पन्न दोस्रो खेलमा नेपालले ४ विकेटको जित दर्ता गर्दा रोहितले दुवै ब्याटिङ र बलिङमा प्रभावशाली प्रदर्शन गरे । कप्तान रोहितले अवार्डसँगै १५ हजार रुपैयाँ प्राप्त गरे ।
क्यानडाले प्रस्तुत गरेको २ सय ८६ रनको लक्ष्य पछ्याउने क्रममा रोहितले सर्वाधिक ८७ रनको योगदान दिएका थिए । १ सय १ बलमा ८ चौका र ४ छक्का जोडेका उनी पाँचौ विकेटको रुपमा आउट भएका थिए । विपक्षी कप्तान साद बिन जफरको बलमा एज लागेपछि उनी कट बिहाइन्ड भएका थिए ।
रोहितले देव खनालसँग तेस्रो विकेटका लागि कीर्तिमानी १ सय ५० रनको साझेदारी गर्दै इनिङ सम्हालेका थिए ।
त्यसअघि बलिङमा पनि रोहितले राम्रो प्रदर्शन गरे । ८ ओभरमा ३२ रन दिएर उनले २ महत्त्वपूर्ण विकेट लिएका थिए । रोहितले मध्यक्रमका ब्याटर पर्गत सिंह र निकोलस किर्तनको विकेट लिएका थिए ।
रोहित त्यसअघि पहिलो खेलमा पनि प्लेयर अफ द म्याच चुनिएका थिए । उक्त खेलमा उनले २२ रन खर्चर ४ विकेट लिँदै नेपाललाई जिततर्फ अघि बढाएका थिए ।
यो पनि :
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]