काठमाडौं (हाम्रो खेलकुद) – नेपाल यू१९ क्रिकेट टोलीका तीव्र गतिका बलर आकाश चन्दले सिनियर टोलीबाट क्यानडाविरुद्ध दोस्रो खेलमा डेब्यु गर्ने भएका छन् ।

आकाशले पहिलो खेलबाट स्पिनर ललित नारायण राजवंशीको स्थान लिँदै डेब्युको अवसर पाएका हुन् । उनी नेपालबाट ओडीआई खेल्ने ४० औं खेलाडी बनेका छन् । उनलाई शरद भेषावकरले क्याप दिएका थिए ।

तीव्र गतिका बलर आकाश चन्दले आइसीसी यू१९ विश्वकपमा उच्च प्रदर्शन गरेपछि सिनियर टोलीमा स्थान बनाएका हुन् । यसअघि सिनियर टोलीको बन्द प्रशिक्षणमा नेट बलरको रुपमा रहेका उनले प्रशिक्षणमा पनि प्रभाव छाडेका थिए ।

विश्वकपमा अफगानिस्तानविरुद्ध ५ विकेट लिँदै उनले सुपर सिक्सको यात्रा सहज बनाएका थिए । सिनियर टोलीमा परेको पहिलो अवसरमै उनले डेब्युको अवसर पाएका हुन् ।

नेपालको प्लेइङ ११: रोहित पौडेल (कप्तान), अनिल शाह, कुशल मल्ल, देव खनाल, भीम सार्की, पवन सर्राफ, रिजन ढकाल, सूर्य तामाङ, आसिफ शेख, सोमपाल कामी, आकाश चन्द

बेन्च : हेमन्त धामी, कुशल भुर्तेल, आरिफ शेख, ललित नारायण राजवंशी

क्यानडाको प्लेइङ ११ : आरोन जोन्सन, नवानित धलिवल, निकोलस किर्तन, डिलोन हेलिगर, हर्ष ठाकर, साद बिन जाफर (कप्तान), दिलप्रित बज्वा, श्रेयास मोभा, इश्वरजोत सोहि, पर्गत सिंह, उदय भगवान सिंह