काठमाडौं (हाम्रो खेलकुद) – नेपाली राष्ट्रिय क्रिकेट टोलीले यसै साता सुरु हुने आइसीसी क्रिकेट विश्वकप लिग-२ अन्तर्गत नेदरल्यान्ड्स र नामिबियासँग एकदिवसीय त्रिकोणात्मक सिरिज खेलेलगत्तै टि२०आई सिरिज पनि खेल्ने भएको छ ।

नेपाल क्रिकेट संघ (क्यान) ले सार्वजनिक गरेको खेल तालिका अनुसार फेब्रुअरी २७ देखि ५ मार्चसम्म चल्ने सिरिजमा नेपालसँगै नेदरल्यान्ड्स र नामिबिया खेल्नेछन् । लिग चरणमा २-२ पटक खेलेपछि शीर्ष दुई टोलीले फाइनल खेल्नेछन् ।

प्रतियोगिताको सम्पूर्ण खेल टियु क्रिकेट मैदानमा नै हुनेछ । सबै खेल विहान ११:३० बजे सुरु हुनेछ । नेपालले २७ फेब्रुअरीमा नामिबिया, २८ फेब्रुअरीमा नेदरल्यान्ड्स, १ मार्चमा नामिबिया तथा २ मार्चमा नेदरल्यान्ड्ससँग खेल्नेछ । फाइनल ५ मार्चमा हुनेछ ।

नेपालले टि२०आई को लागि भने टोली घोषणा गरेको छैन । प्रशिक्षक मोन्टि देशाइले केहि दिन अघिमात्र हाम्रो खेलकुदसँग अन्तर्वार्ताका क्रममा टि२० विश्वकपलाई मध्यनजर गर्दै विशेष तयारी थालिएको बताएका थिए ।

प्रशिक्षक देशाइले केहि खेलाडीलाई टि२० फर्म्याटमा मात्र ध्यान दिन ओडीआई टोलीमा नसमेटेको बताएका थिए । उनले लिग-२ सिरिजको समापनपछि टोलीले ३ महिनाका लागि विश्वकप लक्षित तयारी गर्ने बताएका थिए ।

हेर्नुहोस पूरा अन्तर्वार्ता :