एजेन्सी – भारतले दोस्रो टेस्टमा इल्यान्डलाई १ सय ६ रनले हराएको छ ।

विशाखापटनमा जितका लागि ३ सय ९९ रनको लक्ष्य पछ्याएको इङ्ल्यान्ड चौथो दिन सोमबार को चिया समयअघि २ सय ९२ रन बनाउँदा अल आउट भएको थियो । इङ्गल्याण्डले ६७ रनमा एक विकेटको क्षतिबाट दिनको सुरुवात गरेको थियो।

इङ्ल्यान्डका ज्याक क्रलीले सर्वाधिक ७३ रन बनाएका थिए। भारतका जसप्रित बुमराह र रविचन्द्रन अश्विनले समान ३ विकेट लिए । मुकेश कुमार, कुलदिप यादव र अक्षर पटेलले समान १ विकेट लिएका थिए।

दोस्रो इनिङ्समा भारत २ सय ५५ रनमा अल आउट भएको थियो । पहिलो इनिङमा २ सय ५३ इङ्गल्याण्डले त्यसपछि ३ सय ९९ रनको लक्ष्य पाएको थियो।

दोस्रो इनिङमा भारतका शुभमन गिलले शतक बनाए । इङ्ल्यान्डका टस हार्टलीले ४ र रेहान अहमदले ३ विकेट लिएका थिए ।

त्यसअघि टस जितेर ब्याटिङ गरेको भारतले पहिलो इनिङमा ३ सय ९६ रन बनाएको थियो । भारतका यशस्वी जयसवालले दोहोरो शतक बनाएका थिए । इङ्ल्यान्डका जेम्स एन्डरसन, सोएब बशिर र रेहान अहमदले समान ३ विकेट लिए ।

इङ्ल्यान्डका लागि ज्याक क्रलीले ७६ रन बनाए । भारतका जसप्रीत बुमराहले ६ विकेट लिए । ९ विकेट लिएका बुमराह प्लेयर अफ दि म्याच घोषित भएका थिए।

यो जितसँगै भारतले ५ टेस्टको खेलको शृङ्खलामा १-१ को बराबरी गरेको छ । पहिलो टेस्ट इङ्ल्यान्डले २८ रनले जितेको थियो । तेस्रो टेस्ट फेब्रुअरी १५ मा राजकोटमा सुरु हुनेछ ।