7 months ago
February 2, 2024
काठमाडौं (हाम्रो खेलकुद) – आईसिसी यू-१९ विश्वकप अन्तर्गत सुपर सिक्स चरणको अन्तिम खेलमा नेपाललाई भारतले २ सय ९८ रनको विशाल लक्ष्य दिएको छ ।
टस जितेर पहिले ब्याटिङ गरेको भारतले निर्धारित ५० ओभरमा ५ विकेट गुमाउँदै २९७ रनको विशाल योगफल खडा गरेको हो । भारतका लागि सचिन दासले सर्वाधिक १ सय १६ रनको शतकीय इनिङ खेले । उनले १ सय १ बल खेलेर ११ चौका र ३ छक्का प्रहार गरेका थिए । यस्तै कप्तान सहरानले पनि १ सय ७ बलमा ९ चौका सहित १०० रनको शतकीय इनिङ खेले ।
चौथो विकेटका लागि कप्तान उदय साहारन र सचिन दास मिलेर २ सय १५ रनको साझेदारी गरेका थिए । सचिन दास ४८औं ओभरमा गुलशनको बलमा क्याच आउट भएपछि सो साझेदारी तोडिएको थियो । उदय भने अन्तिम ओभरमा गुलशनकै बलमा आउट भएका थिए ।
भारतका सुरुवाती ब्याटर आदर्श सिंह १८ बलमा २१ रन प्रहार गर्दै गुलशनको बलमा पाँचौं ओभरमा विकेटकिपर उत्तम मगरको हातबाट क्याच आउट भएका थिए ।
यस्तै त्यसपछि आउट हुनेमा तेस्रो नम्बरमा आएका प्रियंशु मोलिया थिए । उनी १४औं ओभरमा १९ रन बनाएर रनआउट भएका थिए ।
सोही ओभरमा आकाशले अर्का ओपनर अर्शिन कुलकर्नीलागि १८ रनमा आउट गरे । सो विकेटमा पनि उत्तमले क्याच आउट गराएका थिए । मुशिर खान ९ रनमा र अराभेली अवानिश शून्यमा अविजित रहे ।
नेपालका लागि गुलशन झाले १० ओभरमा ५६ रन दिंदै ३ विकेट लिए । आकाश चन्दले ९ ओभरमा ६५ रन खर्चिदै १ विकेट लिए ।
दुर्गेश गुप्ताले ९ ओभरमा २ मेडन सहित ५५ रन खर्चिए । दिपेश कंडेलले १० ओभर बलिङ गरेर ४६ रन दिएर कुनै विकेट लिएनन् । सुबाश भण्डारीले पनि १० ओभर बलिङ गरेर बिना कुनै विकेट ५५ रन दिए । देव खनालले पनि २ ओभरमा १४ रन दिए ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]