8 months ago
January 25, 2024
काठमाडौँ (हाम्रो खेलकुद) – प्रधानमन्त्री कप पुरुष क्रिकेट प्रतियोगिता अन्तर्गत बिहिवार टियु क्रिकेट मैदानमा भएको खेलमा मधेश प्रदेशले गण्डकी प्रदेश विरुद्ध विशाल अन्तरले जित हासिल गरेको छ । मधेशले गण्डकी माथि १४५ रनको जित ठुलो हासिल गरेको हो ।
मधेशले पस्किएको ३३६ रनको विशाल लक्ष्य पछ्याएको गण्डकी प्रदेश ३९.५ ओभरमा १९० रनमा समेटियो । गण्डकीका लागि ओपनर इश्वोर छेत्री र कमल परियारले सर्वाधिक २७-२७ रन बनाए । यस्तै कृश ऐरले २६, चन्द्र पौडेलले २३, रोशन गौतमले २२, समिर कंडेल र मुश्कान थापाले समान १८-१८ रन बनाए ।
इश्वर र समिर मिलेर पहिलो विकेटका लागि ५० रनको साझेदारी गरेका थिए । तर त्यसपछि नियमित अन्तरालमा लगातार विकेट खसेपछि गण्डकी लक्ष्यको निकै टाढा समेटियो ।
मधेशका लागि रंजित कुमारले ४ विकेट लिए । यस्तै कप्तान हरिशंकर शाहले ३ विकेट लिए भने प्रदिप पासवानले २ र राजेश यादवले १ विकेट लिए ।
त्यसअघि टस जितेर पहिले ब्याटिङ गरेको मधेश प्रदेशले मुख्य ब्याटर अनिल शाहको शतकको मद्दतमा निर्धारित ५० ओभर खेल्दै ५ विकेट गुमाएर ३३५ रन बनाएको थियो । यो योगफल जारि संस्करणको सबैभन्दा उच्च योगफल समेत हो । यसअघि मधेशले नै सुदुरपश्चिम विरुद्ध सर्वाधिक ३१९ रन बनाएको थियो ।
मधेशका लागि अनिलले १२५ बलमा ११ चौका र ६ छक्का प्रहार गर्दै १२४ रनको शतकीय इनिङ खेले । उनले १०४ बलमा शतक पुरा गरेका थिए । यसै प्रतियोगितामा उनले कोशी र सुदूरपश्चिम विरुद्ध राम्रो इनिङ खेलेपछि शतक बनाउनबाट चुकेका उनी बागमती प्रदेशका आशुतोष घिराइयालाई उछिन्दै प्रतियोगितामा सर्वाधिक रन बनाउने खेलाडीको तालिकामा शीर्ष स्थानमा उक्लिएका छन् । जारी प्रतियोगितामा यो आठौं शतक पनि हो भने मधेशका लागि दोस्रो शतक हो ।
मधेशले सुरुवाती ब्याटर तथा कप्तान हरिशंकर शाहलाई दोस्रो ओभरको पहिलो बलमा नै गुमाएको थियो । २ रन बनाएको अवस्थामा उनी कृष्ण पौडेलको बलमा सन्दिप पराजुलीद्वारा क्याच आउट भएका थिए ।
अनिल र मयन यादव मिलेर दोस्रो विकेटका लागि १०५ रनको साझेदारी गरेका थिए । मयन ४४ बलमा २७ रन बनाएर २०औं ओभरमा आउट भएका थिए । चौथो नम्बरमा आएका पवन सर्राफ ३८ बलमा ३ चौका र २ छक्का प्रहार गर्दै ४० रन बनाएर सन्दिपकै बलमा क्याच आउट भए ।
त्यसपछि आउट हुने ब्याटर अनिल थिए । ३८औ ओभरमा कमल परियारको बलमा कृश ऐरको हातबाट उनी क्याच आउट भएका थिए । रुपेश सिंह ३५ बलमा ३२ रन बनाएर रन आउट भए ।
अरनिको यादवले विष्फोटक इनिङ खेल्दै ३४ बलमा ५ चौका र ३ छक्का सहित ६४ रनमा अविजित रहे । यस्तै अर्कोतर्फ अभिषेक तिवारी १९ बलमा २७ रनमा नटआउट रहे ।
गण्डकीका लागि सन्दिप पराजुलीले १० ओभरमा ५१ रन दिँदै २ विकेट लिए । यस्तै कमल परियारले १० ओभरमा ४१ रन खर्चेर १ विकेट लिँदा कृष्ण पौडेलले १० ओभरमा ११७ रन खर्चेर १ विकेट नै लिए । कृष्ण पिएम कप इतिहासमा एकै इनिङमा सबैभन्दा बढी रन खर्चने बलर समेत बनेका हुन् ।
मदेश ७ खेलमा ८ अंक सहित तालिकाको पाचौ स्थानमा छ । गण्डकी भने ५ खेलमा ४ अंक सहित आठौ स्थानमा छ ।
मधेश प्रदेश ८ खेलमा १० अंक सहित तालिकाको दोस्रो स्थानमा उक्लिएको छ । गण्डकी प्रदेश भने ६ खेलमा ४ अंक सहित आठौ स्थानमा यथावत छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]