1 year ago
January 25, 2024
काठमाडौं (हाम्रो खेलकुद) – नेपाली राष्ट्रिय क्रिकेट टोलीका अलराउन्डर तथा नेपाल पुलिस क्लबका कप्तान दीपेन्द्रसिंह ऐरी ग्रेस इन्टरनेसनलको ब्राण्ड एम्बेसेडर नियुक्त भएका छन् ।
ग्रेस इन्टरनेशनलले यो वर्ष नेपाली खेलकुद क्षेत्रलाई प्रोत्साहन गर्ने योजना अनुरुप दीपेन्द्रसँग सहकार्य सम्झौता गरेको हो । विहीबार काठमाडौंमा एक कार्यक्रमबीच ग्रेस इन्टरनेसनलका निर्देशक एन्ड्रयु पौडेल र दीपेन्द्रले सम्झौता पत्रमा हस्ताक्षर गरे । दीपेन्द्र ३ वर्षका लागि ग्रेसको ब्राण्ड एम्बेसेडर रहनेछन् ।
ग्रेस इन्टरनेसनल विगत १७ वर्षदेखि नेपालमा रहेका र विशेषतः अष्ट्रेलिया, क्यानडा, बेलायत, अमेरीका लगायतका देशमा पढ्न चाहने विद्यार्थिहरुलाई परामर्श प्रदान गर्दै आएको संस्था हो । ग्रेसका निर्देशल पौडेलले दुवै पक्षको सहकार्यले नयाँ पुस्ता र विशेषत: युवा पिढीलाई करिअर निर्माण गर्न मदत पुग्ने विश्वास व्यक्त गरे । उनले दीपेन्द्रसँगको सहकार्य व्यावसायिक प्रर्वद्दनको उद्देश्य मात्र नभएर क्रिकेटप्रति उत्तरदायित्वको रुपमा रहेको बताए ।
दीपेन्द्रले पनि ग्रेससँग सहकार्य गर्न पाएकोमा खुसी व्यक्त गर्दै यस यात्रामा साथ दिने सम्पूर्णलाई धन्यवाद व्यक्त गरे ।
कार्यक्रममा ग्रेस इन्टरनेसनलले वर्ष २०२४ लाई विज्ञापन र प्रचारको वर्ष भन्दा पनि सामाजिक उत्तरदायित्व बहनको वर्षका रुपमा मनाउने प्रतिवद्धता पनि व्यक्त गरेको छ। ग्रेसले नेपाली क्रिकेटका धेरै घरेलु प्रतियोगितालाइ सहयोग गर्ने, गाउँ गाउँका स्थानीय खेलाडी र प्रतियोगितालाई प्रोत्साहन गर्ने, विभिन्न ठाउँमा खेलकुद सामग्री वितरण गर्ने, खेलाडीहरुलाई व्यवसायिक बनाउन सहयोग गर्ने लगायतका योजना अघि सारेको छ ।
March 19, 2025
काठमाडौं (हाम्रो खेलकुद)- नेपाल पुलिस क्लबका स्पिनर ललित नारायण राजवंशी लुम्बिनी प्रदेशमा जारी प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा प्रदर्शन अब्बल रहँदै आएको छ। पुलिसले अहिले सम्म खेलेका सबै ६ खेलमा जित निकाल्न सफल रहँदा ललितको प्रदर्शन प्रमुख बनेको छ। उनको बलिङको जादु चलिरहेको छ। क्रिकेटमा ५ विकेट हलको महत्त्व विशेष मानिन्छ। लेफ्ट आर्म […]
March 19, 2025
काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]
March 19, 2025
एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]
