8 months ago
January 25, 2024
काठमाडौं (हाम्रो खेलकुद) – बायाँ हाते स्पिनर रमेश कुर्मीले ५ विकेट लिएपछि नेपाल एपिएफ क्लबले लुम्बिनी प्रदेशलाई १ सय ३३ रनको सामान्य योगफलमा अलआउट गरेको छ ।
टस जितेर पहिलो ब्याटिङ रोजेको लुम्बिनी ४१ ओभरमा अलआउट भएको हो । राम्रो सुरुवात पाएको लुम्बिनीको इनिङलाई एपिएफका रमेशले धराशायी पारेका थिए । उनले लगातार मध्यक्रमको विकेट लिँदै ठूलो स्कोर निर्माण हुन दिएनन् ।
लुम्बिनीका लागि दिलसाद अलीले सर्वाधिक ३९ रनको योगदान दिए । टोली अलआउट भएपनि नटआउट रहेका उनले ४२ बलमा ५ चौका प्रहार गरेका थिए ।
ओपनर मृनाल गुरुङले लुम्बिनीका लागि ३४ रनको योगदान दिए । उनले ८८ बलमा ३ चौका प्रहार गरेका थिए ।अर्का ओपनर विराट भण्डारी ५१ बलमा ४ चौकासहित २३ रन जोड्दै आउट भए । १४ औं ओभरमा विराट आउट हुनुअघि यी दुईले ३९ रनको साझेदारी गरेका थिए । त्यो नै इनिङको सर्वाधिक साझेदारी बन्यो ।
त्यसपछि प्रज्वल थापा ११, मोहमद हुसेन ३, कृष्ण कार्की १, सुशान्त थापा २ र इक्लाख अहमद ९ लगातार स्पिनको शिकार बने । तल्लोक्रमा दिल्शादले आक्रामक रन जोड्दै लुम्बिनीलाई सम्मानजनक योगफलसम्म पुर्याए । पुछारका तीन ब्याटर नर सार्की, अभिषेक गौतम र अजय चौहानले खाता खोल्न सकेनन् ।
एपिएफका लागि रमेशले १० ओभरमा २ मेडनसहित २९ रन खर्चेर ५ विकेट लिए । भुवन कार्कीले ३ तथा रोहित पौडेल र मौसम ढकालले १-१ विकेट हात पारे ।
सातौं स्थानमा रहेको एपिएफको ५ खेलमा ४ अंक छ भने लुम्बिनी ४ खेलमा २ अंकका साथ नवौं स्थानमा छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]