9 months ago
January 25, 2024
काठमाडौँ (हाम्रो खेलकुद) – मधेश प्रदेशका प्रमुख ब्याटर अनिल शाहले प्रधानमन्त्री कप २०२४ अन्तर्गत गण्डकी प्रदेश विरुद्ध शतक प्रहार गरेका छन् ।
टियु क्रिकेट मैदानमा टस जितेर पहिलो ब्याटिङ गरेको मधेशका लागि अनिलले आक्रामक सुरुवात गर्दै करिअरको पहिलो शतक पूरा गरेका छन् । उनले १०४ बलमा ११ चौका र ३ छक्का सहित शतक पूरा गरे । उनले ३१ औं ओभरमा सन्दिप पराजुलीको बलमा १ रन प्रहार गर्दै शतक पूरा गरेका हुन् ।
यसै प्रतियोगितामा उनले कोशी र सुदूरपश्चिम विरुद्ध राम्रो इनिङ खेलेपनि शतक बनाउनबाट चुकेका थिए । उनले कोशी विरुद्ध ८८ रन बनाएका थिए भने सुदुरविरुद्ध ६९ रनमा आउट भएका थिए ।
उनले बुधवार नेपाल पुलिस क्लब विरुद्ध १ रन र बागमती प्रदेश विरुद्ध शुन्यमा आउट हुनु बाहेक सबै खेलमा दोहोरो अंक पुर्याएका छन् । उनले आर्मी विरुद्ध १२, एपीएफ विरुद्ध २९, कर्णाली विरुद्ध ४४ रन बनाएका थिए।
आज दोस्रो ओभरमा नै अर्का ओपनर हरिशंकर शाहको साथ गुमाएका उनले दोस्रो विकेटका लागि मयन यादवसँग मिलेर १ सय ५ रनको साझेदारी गरेका थिए । मयन ४४ बलमा २७ रन बनाएर २०औं ओभरमा आउट भएका थिए ।
अनिल यस प्रतियोगितामा मधेशका लागि शतक प्रहार गर्ने दोस्रो खेलाडी हुन् । यसअघि सुदुरविरुद्ध मयनले १ सय १५ रन बनाएका थिए । जारी प्रतियोगितामा यो आठौं शतक पनि हो । सबै शतक टियु क्रिकेट मैदानमा नै बनेका छन् ।
अनिल हाल यस प्रतियोगिताका दोस्रो सर्वाधिक रन बनाउने खेलाडी समेत हुन् । उनले आज १२८ वा त्यसभन्दा बढी रन बनाएमा बागमती प्रदेशका आशुतोष घिराइयालाई उछिन्दै सर्वाधिक रन बनाउने खेलाडीको तालिकामा शीर्ष स्थानमा उक्लने छन् ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]