default_image

1 year ago

January 24, 2024

पाकिस्तानसँग नेपाल हार्नुको प्रमुख २ कारण

7783 views

0 Bookmark

काठमाडौं (हाम्रो खेलकुद) – आइसीसी यू१९ विश्वकप अन्तर्गत बुधबार नेपाल समूहको दोस्रो खेलमा पाकिस्तानसँग पराजित भयो । टस जितेर पहिलो ब्याटिङ रोजेको नेपालले मध्यम योगफल खडा गरेपनि पाकिस्तानलाई चुनौती दियो ।

ब्याटिङमा राम्रो सुरुवात होस् या मध्यम लक्ष्य जोगाउन बलिङमा उत्रिएको अवस्था, दुवै समयमा नेपालले पाकिस्तानलाई दबाबमा राख्न सफल भएको थियो । तर खेलमा दुई मुख्य कारणले नेपाल हार बेहोर्न बाध्य भयो ।

मध्य ओभर ब्याटिङमा कमजोर आक्रमण

नेपालले १६ औं ओभरदेखि ४१ औं ओभरसम्ममा मात्र १ चौका प्रहार गर्न सक्यो । १५ ओभरको समाप्तिमा ७२-२ को स्थितिमा रहेको नेपाल ४१ ओभर सकिँदा १३८-६ को स्थितिमा थियो । तल्लो क्रमका ब्याटरले अन्तिम ९ ओभरमा ५९ रन जोड्दै नेपाललाई मध्यम योगफलसम्म पुर्याएका थिए ।

स्पिनरविरुद्ध आवश्यकताभन्दा निकै रक्षात्मक बन्दा नेपालले रन बटुल्न सकेको थिएन । मध्य क्रममा विकेट जोगाउने धुनमा नेपालले आक्रामक सट खेल्ने जोखिम नै लिएन । त्यसको फाइदा उठाउँदै स्पिनरले लगातार डट फ्याँकेर नेपाली ब्याटरलाई बाँधिरहे । पाकिस्तानका दुइ मुख्य स्पिनरले २० ओभरमा मात्र ३८ रन खर्चेर नेपालको ४ विकेट लिए ।

टोली छनोटमा गल्ती

नेपालले पाकिस्तानविरुद्ध ३ खेलाडी परिवर्तन गरेको थियो । जसमा बायाँ हाते तीव्र गतिका बलर दुर्गेश गुप्ता पनि टोलीमा समेटिएका थिए । तर पाकिस्तानका शीर्ष ५ ब्याटर बायाँ हाते नै भएको अवस्थामा मुख्य स्पिनर र तीव्र गतिका बलर दुवै बायाँ हाते खेलाउनु गल्ति थियो । अझ स्पिनलाई सहयोग पुग्ने पिचमा तिलकराज भण्डारी बाहिर राखेर दुर्गेश ल्याउनु ठूलो निर्णय थियो ।

कप्तान देव खनालले २६ ओभरसम्म आइपुग्दा मात्र सुरुवाती ३ ओभर दुर्गेशलाई दिनुले पनि टोली छनोटमा गल्ती भएको प्रष्ट हुन्छ । दुर्गेशले पहिलो स्पेलमा दोस्रो, चौथो र छैटौं ओभर फ्याँकेपछि अर्को स्पेल मात्र पाएका थिए । छैटौं ओभरमा १६ रन प्रहार भएपछि आक्रमणबाट बाहिरिएका उनी आकाशले २६ औं ओभरमा तेस्रो विकेट लिएपछि मात्र आक्रमणमा आएका थिए । समग्रमा दुर्गेशले ७ ओभरमा ३८ रन खर्चेर कुनै विकेट लिएनन् ।

लगातार दोस्रो हार बेहोरेको नेपालको पनि सुपर सिक्समा अघि बढ्ने सम्भावना बाँकी छ । यसका लागि नेपालले अन्तिम खेलमा शुक्रबार अफगानिस्तानसँग प्रतिस्पर्धा गर्नेछ । दुवैले अंक जोडेका छैनन् भने नेट रन रेटको आधारमा नेपाल तेस्रो स्थानमा र अफगानिस्तान पुछारमा छ ।

March 19, 2025

सुदूरपश्चिमविरुद्ध लुम्बिनी सस्तैमा समेटियो

काठमाडौं(हाम्रो खेलकुद) – लुम्बिनी प्रदेश प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा सुदूरपश्चिम प्रदेशविरुद्ध कम रनमै अल आउट भएको छ । भैरहवामा जारी खेलमा लुम्बिनी प्रदेश १ सय १६ रनमै अलआउट भएको हो । एक्स्ट्रा टेक क्रिकेट मैदानमा टस जितेर पहिले ब्याटिङ गरेको लुम्बिनी ४४.१ ओभरमा १ सय १६ रनमा समेटिएको हो । लुम्बिनीका लागि […]

March 19, 2025

भीम शतकबाट चुक्दा मधेशलाई प्रतिस्पर्धात्मक लक्ष्य

काठमाडौं(हाम्रो खेलकुद) – भीम सार्कीको शतकबाट चुक्दा प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले मधेश प्रदेशलाई प्रतिस्पर्धात्मक लक्ष्य दिएको छ । दाङमा जारी खेलमा आर्मीले मधेशलाई २ सय १८ रनको प्रतिस्पर्धात्मक लक्ष्य दिएको छ । लमहीमा रहेको देउखुरी क्रिकेट मैदानमा टस जितेर पहिले ब्याटिङ गरेको आर्मीले निर्धारित ५० ओभरमा ७ विकेट गुमाएर […]

March 19, 2025

ललित र दीपेन्द्र चम्कदा पुलिसको सहज जित

काठमाडौं(हाम्रो खेलकुद) – स्पिनर ललितनारायण राजवंशीको ५ विकेट तथा कप्तान दीपेन्द्रसिंह ऐरीको विष्फोटक अर्धशतकको सहयोगमा प्रधानमन्त्री (पिएम) कप पुरुष एकदिवसीय राष्ट्रिय क्रिकेट प्रतियोगितामा नेपाल पुलिस क्लबले लगातार छैठौं जित हात पारेको छ । साविक विजेता पुलिसले बुधवार गण्डकी प्रदेशलाई ७ विकेटले हरायो । ९३ रनको लक्ष्य पुलिसले १६ ओभरमा ३ विकेट गुमाएर पूरा गर्यो । […]

Success

Thank you for your time.