8 months ago
January 24, 2024
काठमाडौँ (हाम्रो खेलकुद) – कोशी प्रदेशले जारि प्रधानमन्त्री कप राष्ट्रिय क्रिकेट प्रतियोगितामा लगातार आठौँ हार बेहोरेको छ । टियु क्रिकेट मैदान, किर्तिपुरमा बुधबार भएको खेलमा सुदुरपश्चिम प्रदेशविरुद्ध आठ विकेटको हार बेहोरेसँगै कोशीले आठ खेलमा लगातार हार बेहोरेको हो ।
कोशीले दिएको १२४ रनको लक्ष्य सुदुरले २१.१ ओभरमा २ विकेट गुमाएर पुरा गर्यो । सुदुरका लागि नरेन भट्टले ४९ बलमा ७ चौका सहित ५४ रनको अर्धशतकिय नटआउट इनिङ खेले । यस्तै प्रकाश पाण्डे ३४ रनमा अविजित रहे । ओपनरद्वय खडक बोहोराले ९ र राजु रिजाल २१ रन बनाएर आउट भए । कोशीका लागि दुवै विकेट फिर्दोश अन्सारीले लिए ।
त्यसअघि टियु क्रिकेट मैदानमा टस जितेर पहिला ब्याटिङ रोजेको कोशी ३२ ओभरमा १२३ रनमा समेटिएको थियो । कोशीलाई सस्तैमा समेट्न सुदुरका शेर मल्ल एक्लैले पाँच विकेट लिए । उनले ६ ओभर बलिङ गर्दै १ मेडन सहित २८ रन खर्चिंदै ५ विकेट लिएका हुन् । यस्तै विकाश आग्रीले ७ ओभरमा १ मेडन सहित मात्र ९ रङ खर्चिंदै ४ विकेट लिए ।
पछिल्लो खेलमा गण्डकी प्रदेश विरुद्ध २५ रनमा अलआउट भएको कोशीले केहि आशा लाग्दो सुरुवात गरेको भएतापनि पछि भने लय गुमाउन पुग्यो । समिर कार्की १५ बलमा ४ रन बनाएर पेभेलियन फर्किने पहिलो ब्याटर थिए । उनी छैठौ ओभरको पहिलो बलमा रन आउट भएका थिए ।
दोस्रो विकेट ६० रन बनेको अवस्थामा गयो । कप्तान अंकित सुबेदी २७ बलमा २२ रन बनाएर विकाश आग्रीको शिकार बन्न पुगे । सुजन थपलिया पनि ३ रन मात्र बनाएर विकाशकै बलमा क्याच आउट भए । मिनाश थापाले राम्रो सुरुवात गरेका थिए । तर १६औ ओभरमा उनी पनि विकाशकै बलमा ३७ बलमा ५ चौका सहित २६ रन बनाएर आउट भए ।
सोनु अन्सारी र सुभान गहतराज क्रमश: ९ र ५ रन बनाएर विकाश र शेर मल्लको बलमा आउट भए । अभ्याश तिमिल्सिना र फिर्दोश अन्सारीले पनि शेरको बलमा आउट हुनु अघि ५-५ रन मात्र बनाउन सके । भुपाल लुइँटेललाई शेरले १ रनमा रहेको अवस्थामा बोल्ड गरे ।
कमल खत्रीले अन्तिममा केहि विष्फोटक ब्याट्टिङ गर्ने प्रयास गर्दै ८ बलमा ३ छक्का सहित १८ रन बनाए । तर ठुलो शट खेल्ने क्रममा उनी पनि शेरकै बलमा नरेन साउदको हातबाट क्याच आउट भए । हेमन्त राई १ रनमा नटआउट रहे ।
कोशी अहिलेसम्मको खेलेको ८ खेलमा बिना कुनै अंक पुछारमा रहेको छ । सुदुर भने ५ खेलमा ४ जित सहित ८ अंक बटुल्दै दोस्रो स्थानमा उक्लिएको छ । आजै मुलपानीमा भएको खेलमा मधेश प्रदेश विरुद्ध ६ विकेटको जित निकालेको नेपाल पुलिस क्लब ५ खेलमा सतप्रतिशत जित सहित १० अंक बटुल्दै शीर्ष स्थानमा छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]