8 months ago
January 23, 2024
काठमाडौं (हाम्रो खेलकुद) – मध्यक्रमका ब्याटर सुजन थपलियाले उत्कृष्ट ब्याटिङ गर्दा कोशी प्रदेश प्रधानमन्त्री कप २०२४ मा कर्णालीविरुद्ध प्रतिस्पर्धात्मक योगफल खडा गरेको छ ।
टस हारेर पहिलो ब्याटिङको निम्तो पाएको कोशीले ३४.३ ओभरमा अलआउट हुनुअघि १ सय ५१ रन जोड्यो । कोशीका लागि चौथो नम्बरमा ब्याटिङ गर्न आएका सुजनले ७३ रन जोडे । कोशीका अन्य ब्याटरले भने खास योगदान दिन सकेनन् । कर्णालीले २२ अतिरिक्त रन दिनु नै कोशीको अन्य ब्याटरभन्दा ठूलो योगदान रह्यो ।
सुजनले ७३ बलको सामना गर्दै ८ चौका र ४ छक्का प्रहार गरेका थिए । छैटौं ओभरमा क्रिजमा आएका उनी ३४ औं ओभरमा दिनेश अधिकारीको बलमा बोल्ड भएका थिए । उनी आउट भएपछि अन्तिम २ विकेटमा टोलीले ७ रनमात्र जोड्न सक्यो । सुजनले यसअघि प्रतियोगितामा पुलिसविरुद्ध शतक समेत प्रहार गरेका थिए ।
कप्तान अंकित सुवेदी ४ रन जोड्दै दोस्रो ओभरमा आउट भएपछि सुरु भएको विकेट पतन कुनै समय रोकिएन । सातौं विकेटका लागि अभ्यास तिम्सिनाले ३४ बलमा ९ रन जोड्दै विकेटमा बसेर सुजनलाई साथ दिए । यी दुईले सातौं विकेटका लागि ४४ रन जोडेका थिए ।
आइश भट्टराई ११ र सौजन घिमिरे १२ रन जोड्नुबाहेक अन्यले दोहोरो अंक जोड्न सकेनन् । कर्णालीका लागि दिनेश अधिकारीले ४ विकेट लिए । प्रकाश जैशीले ३ तथा दिवान पुनले २ विकेट लिए ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]