1 year ago
January 21, 2024
काठमाडौं (हाम्रो खेलकुद) – मलेसियामा फेब्रुअरी दोस्रो साता हुने एसीसी महिला प्रिमियर कपका लागि नेपाल महिला राष्ट्रिय क्रिकेट टोलीको दोस्रो चरण छनोट सम्पन्न भएको छ ।
नेपाल क्रिकेट संघ (क्यान) ले दोस्रो चरणमा १८ खेलाडीलाई समेट्दै टोली घोषणा गरेको छ । पहिलो चरणमा रहेका ६ खेलाडी बाहिर राख्दै क्यानले टोली घोषणा गरेको हो ।
पहिलो चरणको छनोटबाट सोनी पाख्रिन, आरती महतो, ममता चौधरी, सोमु विष्ट, ज्योत्स्निका मरासिनी र लक्ष्मी चौधरी बाहिरिएका छन् । अब टोलीमा रहेका लक्ष्मी साउद र यशोदा विष्टले मात्र सिनियर टोलीबाट डेब्यु गर्न बाँकी छ ।
प्रशिक्षक मनोज कटवालले प्रतियोगिताका लागि अन्तिम टोलीको घोषणा केहि दिनपछि गर्नेछन् । प्रतियोगिता फेब्रुअरी ९ देखि १८ सम्म मलेसियामा हुनेछ । प्रतियोगितामा नेपाल, थाईल्यान्ड, युएई, इन्डोनएसिया, हङकङ, चीन, म्यानमार, भुटान, बहराइन, ओमान, कुवेत, सिंगापुर, जापान, कतार र माल्दिभ्स छन् ।
फाइनलमा पुग्ने दुई टोलीले आगामी जुलाईमा हुने महिला टि२० एसिया कप खेल्न पाउनेछन् । उक्त एसिया कपमा भारत, पाकिस्तान, बंगलादेश, श्रीलंका र छनोटबाट आउने दुई टोली हुनेछन् । टियु र मुलपानी मैदान प्रधानमन्त्री कप पुरुष एकदिवसीय राष्ट्रिय प्रतियोगिताको कारण महिला टोलीको बन्द प्रशिक्षण पोखरामा भइरहेको छ ।
१८ सदस्यीय टोली :
इन्दु बर्मा (कप्तान), विन्दु रावल, रुविना क्षेत्री, सीता रानामगर, काजोल श्रेष्ठ, सबनम राई, संगिता राई, अप्सरी बेगम, कविता जोशी, कविता कुँवर, सम्झना खड्का, लक्ष्मी साउद, डली भट्ट, अश्मिना कर्माचार्य, यशोदा विष्ट, खुशी डंगोल, रोमा थापा, पुजा महतो
बाहिरिएका : सोनी पाख्रिन, आरती महतो, ममता चौधरी, सोमु विष्ट, ज्योत्स्निका मरासिनी र लक्ष्मी चौधरी
March 19, 2025
काठमाडौं (हाम्रो खेलकुद)- नेपाल पुलिस क्लबका स्पिनर ललित नारायण राजवंशी लुम्बिनी प्रदेशमा जारी प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा प्रदर्शन अब्बल रहँदै आएको छ। पुलिसले अहिले सम्म खेलेका सबै ६ खेलमा जित निकाल्न सफल रहँदा ललितको प्रदर्शन प्रमुख बनेको छ। उनको बलिङको जादु चलिरहेको छ। क्रिकेटमा ५ विकेट हलको महत्त्व विशेष मानिन्छ। लेफ्ट आर्म […]
March 19, 2025
काठमाडौं(हाम्रो खेलकुद) – प्रधानमन्त्री(पिएम) कप पुरुष एकदिवसीय राष्ट्रिय क्रिकेट प्रतियोगिताको इतिहासमा त्रिभुवन आर्मी क्लबविरुद्ध मधेश प्रदेशले पहिलो पटक जित हासिल गरेको छ । बुधवार भएको खेलमा मधेशले आर्मीलाई ३ विकेटले हराउँदै ऐतिहासिक जित हात पारेको हो । मधेशले आर्मीलाई समग्रमा दोस्रो पटक र पिएम कपमा पहिलो पटक हराएको हो । सन् २०२३ मा पोखरामा भएको […]
March 19, 2025
एजेन्सी – इण्डियन प्रिमियर लिग(आइपिएल) को आफ्नो पहिलो खेलमा नियमित कप्तान हार्दिक पाण्ड्याको अनुपस्थितीमा मुम्बई इन्डियन्सको कप्तानी सुर्यकुमार यादवले गर्ने भएका छन् । मुम्बईका मुख्य प्रशिक्षक महेला जयवर्धनेले बुधबार मुम्बईमा आयोजित पत्रकार सम्मेलनमा सुर्यकुमारले पहिलो खेलमा कप्तानी गर्ने बताएका हुन् । नियमित कप्तान हार्दिक पाण्ड्यालाई सन् २०२४ को आइपिएलको अन्तिम खेलमा स्लो ओभर रेटका कारण […]
