8 months ago
January 21, 2024
काठमाडौं (हाम्रो खेलकुद) – नेपाल यू-१९ राष्ट्रिय क्रिकेट टोलीले आज आइसीसी यू-१९ विश्वकप अन्तर्गत समूहको पहिलो खेलमा न्युजिल्याण्डको सामना गर्दैछ । खेल नेपाली समयअनुसार दिउँसो १:४५ बजे सुरु हुनेछ ।
नेपाल रहेको समूह डी मा शनिबार पाकिस्तानले अफगानिस्तानलाई १ सय ८१ रनको भारी अन्तरले पराजित गरिसकेको छ । दुवै न्युजिल्याण्ड र नेपालले यस संस्करणमा आफ्नो पहिलो खेल खेल्दैछन् । यू-१९ विश्वकप इतिहास हेर्ने हो भने नेपालले यसअघि यी दुई टोलीबीच भएको दुवै खेल जितेको छ ।
सन् २००६ मा कनिष्क चौगाईंको कप्तानीमा रहेको नेपालले वसन्त रेग्मीको अलराउन्ड प्रदर्शनमा न्युजिल्याण्डलाई एक विकेटले स्तब्ध पारेको थियो । त्यस्तै २०१६ मा राजु रिजालको कप्तानी इनिङमा नेपाल विजयी भएको थियो । त्यसबेला टोलीमा रहेका रचिन रविन्द्र, फिन एलेन र ग्लेन फिलिप्स अहिले सिनियर टोलीमा छन् ।
यसपटक नेपाली टोलीमा सिनियर टोलीका अनुभव बोकेका खेलाडी पनि छन् । लगातार यू-१९ उमेर समूहमा प्रतिस्पर्धा गरिरहेको टोलीमा अनुभवी प्रशिक्षक जगत टमाटाको उपस्थिति छ । सिनियर टोलीविरुद्ध लगातार खेलेका तीव्र गतिका बलर रहेकाले पनि नेपालले आशा राख्ने ठाउँ छ । त्यसका लागि ब्याटरले जिम्मेवारी लिनुपर्ने हुन्छ ।
समूहको शीर्ष ३ स्थानमा रहने टोलीले सुपर ६ को यात्रा तय गर्नेछन् । त्यसपछि समूह ए का टोलीले समूह डी तथा समूह बी र समूह सी को टोलीले एक अर्कासँग खेल्नेछन् ।
सुपर सिक्सको दुई समूहको शीर्ष टोलीले भने सेमिफाइनलमा खेल्नेछन् । समूहमा पुछारका टोलीले पनि स्थान निर्धारणका लागि खेल्नेछन् ।
नेपालले विश्वकपको तयारीस्वरूप वेस्टइन्डिज सँग खेलेको वार्म अप खेल वर्षाका कारण पूरा हुन सकेको थिएन ।
नेपाली यु-१९ टोली
देव खनाल (कप्तान), अर्जुन कुमाल, आकाश त्रिपाठी, दीपक प्रसाद डुम्रे, दुर्गेश गुप्ता, गुलशन झा, दिपेश प्रसाद कंडेल, विशाल विक्रम केसी, सुबाश भण्डारी, दीपक बोहोरा, दिपक बोहोरा, उत्तम रंगु थापा मगर, विपिन रावल, तिलक राज भण्डारी, आकाश चन्द
आइसीसी यू१९ विश्वकप : माघ ५ देखि २८ गते सम्म (१९ जनवरी देखि ११ फेब्रुअरी सम्म)
समूह ए : भारत, बंगलादेश, आयरल्यान्ड र अमेरिका
समूह बी : इंग्ल्यान्ड, दक्षिण अफ्रिका, वेस्टइन्डिज र स्कटल्यान्ड
समूह सी : अष्ट्रेलिया, श्रीलंका, जिम्बावे र नामिबिया
समूह डी : नेपाल, न्युजिल्यान्ड, अफगानिस्तान र पाकिस्तान
विश्वकपका खेलहरु
माघ ७ (२१ जनवरी) : न्युजिल्यान्ड, बुफलो पार्क, इस्ट लन्डन
माघ १० (२४ जनवरी) : पाकिस्तान, बुफलो पार्क, इस्ट लन्डन
माघ १२ (२६ जनवरी) : अफगानिस्तान, बुफलो पार्क, इस्ट लन्डन
आठौं पटक खेल्दै नेपाल
नेपाल यू१९ विश्वकप आठौं पटक खेल्दैछ । यसअघि नेपालले २०००, २००२, २००४, २००६, २००८, २०१२ र २०१६ मा यू१९ विश्वकप खेलेको थियो ।
प्लेट च्याम्पियन उत्कृष्ट नतिजा
हालसम्म यू१९ विश्वकपमा नेपालको उत्कृष्ट नतिजा प्लेट च्याम्पियन हो । २००६ को प्लेट च्याम्पियन फाइनलमा न्युजिल्यान्डलाई एक विकेटले हराउँदै नेपालले उपाधि जितेको थियो ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]