9 months ago
January 19, 2024
एजेन्सी – मध्यक्रमका ब्याटर ग्लेन फिलिप्स र डर्याल मिचेलको चौथो विकेटका लागि कीर्तिमानी शतकीय साझेदारी गरेपछि शुक्रबार घरेलु टोली न्युजिल्यान्डले चौथो टि-२० आईमा पाकिस्तानलाई ७ विकेटले हराएको छ ।
जितको लागि १ सय ५९ रनको मध्यम लक्ष्य पछ्याएको न्युजिल्यान्डले १८.१ ओभरमा ३ विकेट गुमाउँदै पूरा गर्यो ।
न्युजिल्यान्डलाई जिताउन २०-३ बाट उकास्दै चौथो विकेटका लागि मिचेल र फिलिप्सले कीर्तिमानी अविजित शतकीय साझेदारी गरे । उनीहरूले ९३ बलमा १ सय ३९ रनको साझेदारी गरे । यो न्युजिल्यान्डबाट टि-२० आईमा चौथो विकेटका लागि भएको उच्च साझेदारी हो ।
यसअघि सन् २०१७ मा बंगलादेशसँगको खेलमा केन विलियम्सन र कोरी एन्डरसनले टि-२० आईमा चौथो विकेटका १ सय २४ रनको साझेदारी गरेका थिए ।
ग्लेन फिलिप्स ५ चौका र ३ छक्कासहित ७० रनमा र डर्याल मिचेल ७ चौका र २ छक्कासहित ७२ रनमा नट आउट रहे ।
पहिला ब्याटिङ गरेको पाकिस्तानले निर्धारित २० ओभरमा ५ विकेट गुमाउँदै १ सय ५८ रन बनाएको थियो ।
पाकिस्तानका विकेटकिपर मोहम्मद रिजवानले ६३ बलमा ६ चौका र २ छक्कासहित ९० रनको नटआउट इनिङ खेलेका थिए ।
न्युजिल्यान्डका म्याट हेनरीले र लोकी फर्गुसनले समान २ विकेट लिए । एडम मिल्नेले १ विकेट लिए। पाँचौं तथा अन्तिम खेल आइतबार हुनेछ । पाकिस्तानसँगको ५ खेलको सिरिजमा न्युजिल्यान्ड ४-० ले अगाडि छ।
October 18, 2024
काठमाडौं (हाम्रो खेलकुद) – दीपेन्द्रसिंह ऐरीको अलराउन्ड प्रदर्शनमा अमेरिकाविरुद्धको पहिलो टि ट्वान्टीमा नेपालले जित हासिल गरेको छ । डालसस्थित ग्रान्ड प्रेरीमा भएको पहिलो टि ट्वान्टी आई खेलमा नेपालले अमेरिकामाथि १७ रनको जित हात पार्यो । यो जितसँगै नेपालले अमेरिकाविरुद्धको ३ खेलको टि ट्वान्टी आई सिरिजमा १-० को अग्रता बनाएको छ । दीपेन्द्रले ब्याटिङतर्फ १७ बलमा […]
October 18, 2024
एजेन्सी – घरेलु टोली श्रीलंकाले वेस्ट इन्डिजविरुद्धको टि ट्वान्टी सिरिजमा जित हासिल गरेको छ । श्रीलंकाको दाम्बुलामा बिहीवार भएको तेस्रो तथा निर्णायक खेलमा वेस्ट इन्डिजमाथि ९ विकेटको सानदार जित दर्ता गर्दै घरेलु टोलीले सिरिजमा जित हात पारेको हो । तीन खेलको टि ट्वान्टी सिरिज घरेलु टोलीले २-१ ले जित हात पायो । पाहुना टोलीले दिएको […]
October 18, 2024
काठमाडौं(हाम्रो खेलकुद) – नेपालले अमेरिकाका दुवै ओपनरलाई आउट गराएको छ । अमेरिकाको डालसस्थित ग्रान्ड प्रेरी क्रिकेट स्टेडियममा जारी खेलमा अमेरिकाका दुवै ओपनर आउट भएका हुन् । पहिलो विकेटका रुपमा ओपनर साइतेजा मुककामल्ला करण केसीको बलमा कप्तान रोहितकुमार पौडेलबाट समातिए । उनी दोस्रो ओभरको पाँचौ बलमा २ रन बनाउँदै आउट भएका थिए । पहिलो विकेटका लागि […]