एजेन्सी – टि२० आई क्रिकेट इतिहासमा पहिलो पटक सुपर ओभर पनि टाई भएको छ । भारत र अफगानिस्तानबीचको तेस्रो टि२० आई खेल सुपर ओभरमा पुगेको थियो । जितको लागि २ सय १३ रनको विशाल विजयी लक्ष्य पछ्याएको अफगानिस्तानले २० ओभरमा ६ विकेट गुमाउँदै २ सय १२ रन बनाए पछि खेल सुपर ओभरमा पुगेको थियो ।

जितको लागि अन्तिम ओभरमा १९ रन चाहिँदा मुकेश कुमारलाई गुलबदीन नैबले १८ रन जोड्दै खेल सुपर ओभरमा पुर्याएका थिए । सुपर ओभरमा अफगानिस्तानले १६ रन बनाएको थियो । भारतले पनि १६ रन नै बनायो ।

त्यसपछि दोस्रो सुपर ओभरमा भारतले ११ रन बनाउन सकेको थियो । तर अफगानिस्तानले तेस्रो बलमा आफ्ना दुई विकेट एक रनमा गुमाएपछि खेल हार्न पुग्यो । सुपर ओभरको नियम अनुसार दुई खेलाडी आउट भएपपछि खेल्न पाइँदैन ।

टि२० आई क्रिकेट इतिहासमा पहिलो पटक सुपर ओभर टाइ भएको हो । त्यसैले पहिलो पटक टि२० आईमा दुई सुपर ओभर भएका हुन् । यसअघि ओडिआई र टि२० क्रिकेटमा भने टाइ भई सकेको छ । २०१९ को एकदिवसीय विश्वकप फाइनलमा न्युजिल्यान्ड र इंग्ल्यान्डबीचको खेलको सुपर ओभर पनि टाइ भएको थियो ।

उक्त विश्वकपको फाइनलमा जितको लागि २ सय ४२ रनको विजयी लक्ष्य पछ्याउँदा इंग्ल्यान्ड २ सय ४१ रनमै अल आउट भएको थियो । सुपर ओभर जित्न न्युजिल्यान्डले १६ रन बनाउनु पर्ने थियो । १५ रन बनाएपछि सुपर ओभर टाई भएको थियो । तर त्यो समय सुपर ओभर टाइ भएका बाउन्ड्री काउन्टको आधारमा टोलीले जित्ने नियम थियो । त्यसैको कारण इंग्ल्यान्ड विश्वकप च्याम्पियन बनेको थियो ।

इन्डियन प्रिमियर लिग (आइपिएल) २०२० मा पन्जाब किंग्स र मुम्बई इन्डियन्सबीचको खेलमा सुपर ओभर टाइ भएपछि दोस्रो सुपर ओभर भएको थियो । जितको लागि १ सय ७७ रनको विजयी लक्ष्य पछ्याएको पन्जाबले ६ विकेट गुमाउँदै १ सय ७६ रन बनाएपछि खेल सुपर ओभरमा पुगेको थियो ।

सुपर ओभरमा पन्जाबले पन्जाबले २ विकेट गुमाउँदै ५ रन जोडेको थियो । पन्जाबमा मोहम्मद शामीले सबै ६ बलमा योर्करका साथ मुम्बईलाई ५ रनमै रोकेका थिए ।

दोस्रो सुपर ओभरमा मुम्बईले १ विकेट गुमाउँँदै ११ रन बनाएको थियो । क्रिस गेलले ट्रेन्ट बोल्टलाई पहिलो बलमा छक्का, तेस्रो र चौथो बलमा चौका हान्दै पन्जाबलाई रोमान्चक जित दिलाएका थिए ।