काठमाडौं (हाम्रो खेलकुद) – नेपाली राष्ट्रिय क्रिकेट टोलीका ओपनर कुशल भुर्तेलले आफूलाई अष्ट्रेलिया क्रिकेट कल्चर मन नपरेको बताएका छन् । एक महिना अष्ट्रेलिया बसाईपछि नेपाल फर्किएका उनले प्रधानमन्त्री कप एकदिवसीय प्रतियोगितामा कोशीविरुद्ध खेलेपछि उक्त प्रतिक्रिया दिएका हुन् ।

‘मलाई त्यस्तो नढाटी भन्दा अष्ट्रेलियाको क्रिकेट कल्चर मन परेन । किनभने म यहाँ दिनभर खेलेको बानी । त्यहाँ शनिबार खेल र अन्य दिन अभ्यास गर्नुपर्ने रहेछ । सोची राखेको थिए त्यस्तो क्रिकेट खेलेर पनि उनीहरु त्यति राम्रो गरेको छ’, कुशलले अष्ट्रेलिया क्रिकेट संस्कार बारे भने ।

अष्ट्रेलिया भम्रणमा राम्रो अनुभव भएको उनले बताए । ‘राम्रो अनुभव रह्यो । राम्रा खेलाडीहरु पनि खेलको थिए । बिग ब्यास लिग खेलेका र भिक्टोरिया लगायतका टोलीहरु पनि थिए । समग्रमा राम्रो भयो । तर जस्तो मैले सोचेको थिए त्यस्तो चाहिँ भएन । मेरो प्रदर्शन पनि सोचे जस्तो भएन’, कुशल भुर्तेलले अष्ट्रेलिया भ्रमणबारे भने ।

कुशलले कोशीविरुद्ध बलिङ गरेका थिए । बायाँ हाते ब्याटर सुजन थपलियाविरुद्ध लगातार गरेका थिए । सुजनले उनलाई ४ छक्का हानेका थिए । उनले ६ ओभरमा १ मेडनसहित ४१ रन खर्चेर १ विकेट लिएका थिए ।

खेल सकेलगत्तै उनी पुन बलिङ गर्न मैदानमा गएका थिए । आगामी दिनमा नेपाली क्रिकेटलाई नै सोचेर उनले गरेको बताउँछन् । ‘आजको मात्रै सोचेर होईन । म पछि सोचेर फालेको छु । मोन्टी सरले पनि लेग स्पिन फाली राख भन्नु भएको छ । त्यहिँ भएर म दिप्पीलाई भनेर भएपनि ५–६ ओभर गर्न खोजेको छु’, उनले भने ।

कुशल भुर्तेलको पूरा भिडियो :