1 year ago
January 16, 2024
काठमाडौं (हाम्रो खेलकुद) – आगामी महिना मलेसियामा हुने एसिसी वुमन्स प्रिमियर कप टि२० प्रतियोगितामा नेपाल र हङकङ एकै समूहमा परेका छन् ।
एसियन क्रिकेट काउन्सिलले वुमन्स प्रिमियर कपको खेल तालिका र समूह सार्वजनिक गरेको छ । समूह डी मा नेपाल, हङकङ, भुटान र माल्दिभ्स छन् ।
समूह ए मा थाईल्यान्ड, म्यानमार, कुवेत र सिंगापुर छन् । समूह बी मा युएई, चीन, ओमान र जापान छन् । समूह सी मा इन्डोनएसिया, बहराइन, मलेसिया र कतार छन् ।
प्रतियोगिता हरेक समूहका शीर्ष दुई दुई टोली क्वाटरफाइनल खेल्न पाउनेछन् । सेमिफाइनल हुँदै फाइनल पुग्ने दुई टोलीले वुमन्स एसिया कप खेल्न पाउनेछन् ।
नेपालले फेब्रुअरी १० मा हङकङ, ११ फेब्रुअरीमा भुटान र १३ फेब्रुअरीमा माल्दिभ्ससँग खेल्नछ । क्वाटरफाइनलका खेलहरु १४ फेब्रुअरी, सेमिफाइनल १६ फेब्रुअरी र फाइनल १८ फेब्रुअरीमा हुनेछ ।
नेपालले यस प्रतियोगिताको लागि बन्द प्रशिक्षणमा २४ खेलाडी बोलाएको छ । पोखरामा बन्द प्रशिक्षणपछि नेपालले अन्तिम टोली घोषणा गर्नेछ ।
फाइनलमा पुग्ने दुई टोलीले आगामी जुलाईमा हुने महिला टि२० एसिया कप खेल्न पाउनेछन् । उक्त एसिया कपमा भारत, पाकिस्तान, बंगलादेश, श्रीलंका र छनोटबाट आउने दुई टोली हुनेछन् ।
बन्द प्रशिक्षणमा बोलाइएका खेलाडी :
इन्दु बर्मा (कप्तान), विन्दु रावल, रुविना क्षेत्री, सीता रानामगर, काजोल श्रेष्ठ, सबनम राई, संगिता राई, अप्सरी बेगम, कविता जोशी, कविता कुँवर, सम्झना खड्का, लक्ष्मी साउद, डली भट्ट, अश्मिना कर्माचार्य, सोनी पाख्रिन, एसोदा विष्ट, खुशी डंगोल, रोमा थापा, सोमु विष्ट, ममता चौधरी, पुजा महतो, आरती महतो, ज्योत्स्निका मरासिनी र लक्ष्मी चौधरी ।
March 21, 2025
काठमाडौं(हाम्रो खेलकुद) – विभागीय टोली नेपाल एपिएफ क्लबले सुदूरपश्चिम प्रदेशलाई प्रधानमन्त्री (पिएम) कप एकदिवसीय राष्ट्रिय प्रतियोगितामा हराएको छ । सुदूरपश्चिमविरुद्ध शुक्रवार एपिएफ ३ विकेटले विजयी भयो । १ सय ९२ रनको लक्ष्य एपिएफले ३६.३ ओभरमा ७ विकेट गुमाएर पूरा गर्यो । एपिएफका लागि सन्दीप जोराले सर्वाधिक ५१ रन जोडे । उनले ६८ बलमा ५ चौका […]
March 21, 2025
काठमाडौं(हाम्रो खेलकुद) – कर्णाली प्रदेशले प्रधानमन्त्री (पिएम) कप एकदिवसीय राष्ट्रिय प्रतियोगितामा मधेशविरुद्ध ऐतिहासिक जित हासिल गरेको छ । कर्णालीले शुक्रवार मधेशविरुद्ध ८१ रनको ऐतिहासिक जित हात पार्यो । पिएम कपको इतिहासमा मधेशमाथि कर्णालीको पहिलो जित हो । यो जितसॅंगै कर्णालीले शीर्ष ४ को सम्भावना कायमै राखेको छ । २ सय २१ रनको लक्ष्य पछ्याएको मधेश […]
March 21, 2025
एजेन्सी – हसन नवाजको शतकमा पाहुना टोली पाकिस्तानले तेस्रो टि ट्वान्टी आईमा न्युजिल्यान्डलाई हराएको छ । पाकिस्तानले शुक्रवार ९ विकेटको जित हात पार्यो । जितसॅंगै ५ खेलको टि ट्वान्टी आई सिरिजमा पाकिस्तान २-१ मा पुर्याएको छ । २ सय ५ रनको लक्ष्य पाकिस्तानले १६ ओभरमा १ विकेट गुमाएर पूरा गर्यो । पाकिस्तानको जितमा नवाजले नट […]
