10 months ago
January 17, 2024
काठमाडौं (हाम्रो खेलकुद) – छैटौं संस्करणको प्रधानमन्त्री कप एकदिवसीय राष्ट्रिय प्रतियोगिता काठमाडौं र भैरहवामा जारी छ । ७ प्रदेश र तीन विभागीय टोलीबीच पिएमकप इतिहासमै पहिलो पटक राउन्ड रोविनको आधारमा भएको छ ।
यस पटक पिएम कपमा मधेश प्रदेश बाहेक अन्य सबै ९ टोलीले नेपाल क्रिकेट संघ (क्यान) ले भित्र्याएको प्रायोजकको विज्ञापन जर्सीमा मुख्य स्थान दिएका छन् । तर मधेशले भने पिएमकपमा आफ्नै प्रायोजकलाई मुख्य स्थान दिएको छ । यसबाहेक क्यानको प्रायोजकलाई पनि स्थान दिएको छ । आफैं प्रायोजक खोजेर राख्ने मधेश यस प्रतियोगितामा एक्लो टोली हो ।
क्यानका सचिव पारस खड्काले मधेशको आग्रहमा उक्त प्रायोजक राख्न दिएको बताए । ‘मधेशले आफ्नो प्रायोजक राख्न नै हामीलाई आग्रह गर्नु भएको थियो । त्यसै अनुसार वहाँहरुले त्यो प्रायोजक राख्नु भएको हो । यस्तो किसिमको कार्य हरेक प्रदेशमा आवश्यक पनि छ’, पारसले भने ।
मधेशले ग्लोबल नेपाल कार्गो सर्विससँग प्रयोजन सम्झौता गरेको थियो । यसबाहेक मधेशले मिडिया मार्केटिङको अधिकार पनि एसिया मिडियालाई ब्रिकी गर्दैछ । एसिया मिडियामार्फत ग्लोबल नेपाल प्रायोजकको रुपमा भित्रिएको हो ।
‘हामीले एसिया मिडियासँग मार्केटिङ अधिकार बिक्री गर्दैछौं । एसिया मिडियाले हामीलाई खोजेर ल्याएको हो । उसले जुन ल्याउँछ हामी त्यहि राख्ने हो । एसियासँग हामीले केहि समयमा मिडिया मार्केटिङको सम्झौता गर्नेछौं’, मधेश प्रदेशका सचिव तथा क्यानका केन्द्रिय सदस्य आयुश श्रेष्ठले हाम्रो खेलकुदसँग भने ।
आयुशका अनुसार एसियाले मधेश प्रिमियर लिग पनि आयोजना गर्नेछ । ‘यो सम्झौता एक वर्षको लागि हो । यसको केहि दिनपछि सम्झौता गर्छौ । रकममा दुवै पक्ष सन्तुष्ट छौं । प्रदेशले खेल्ने सबै प्रतियोगिता र मधेश प्रिमियर लिगमा पनि प्रयोग गरिनेछ ।’
‘मधेश प्रिमियर लिग पनि एउटा उनीहरुले गर्ने हो । अहिले सम्झौता नै भइसकेको छैन । तर काम भने अघि बढाएका छौं । यो पाँच वर्षको लागि नै सम्झौता गर्ने सम्भावना छ । मधेश प्रिमियर लिग वैशाख-जेठ तिर गर्नेछौं । आठ जिल्लाकै खेलाडी हुन्छ । प्रत्येक टोलीले नेपालबाट खेलेको चार खेलाडी खेल्न पाउँछन्’, उनले भने ।
मधेश दुई महिना अघि पोखरामा केपी ओली कप टि२० प्रतियोगिता उपाधि आर्मीलाई हराउँदै जितेको थियो । सन् २०२२ को पिएमकपमा पहिलो पटक सेमिफाइनल खेलेको थियो । यस पटक प्रदेशबाट फाइनल र शीर्ष चारमा पर्न सक्ने बलियो टोलीको रुपमा हेरिएको छ ।
नेपाली टोलीबाट खेली सकेका दुई खेलाडी अनिल शाह र पवन सरार्फ पुलिस छाडेर प्रदेश फर्किएपछि टोली मजबुत बनेको छ । पछिल्लो समय खेलाडी लगातार उत्पादन गर्दै आएको छ । अनिल र पवन फर्कंदा विवेक यादव, इमरान शेख र सन्तोष कार्की भने आर्मी पुगेका छन् । तर पनि मधेशले लगातार राम्रो गर्दै आएको छ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]