10 months ago
January 14, 2024
काठमाडौं (हाम्रो खेलकुद) – नेपाली क्रिकेट टोलीका पूर्वकप्तान ज्ञानेन्द्र मल्लले प्रधानमन्त्री कप एकदिवसीय राष्ट्रिय प्रतियोगितामा नेपाल एपिएफ क्लबबाट प्रशिक्षकको रुपमा डेब्यू गरेका छन् । आफ्नो पूर्व गृह टोली बागमतीविरुद्ध राष्ट्रिय घरेलु प्रतियोगितामा प्रशिक्षकको रुपमा डेब्यू गरेपछि उक्त प्रतिक्रिया दिएका हुन् ।
‘खासै सोचे जस्तो ब्याटिङ त भएन । तर जोरोको त्यो ब्याटिङ र केहि साझेदारीले हामी रक्षा गर्नसक्ने योगफलमा त पुग्यौं । सुरुमा जुन सुरुवात पाएका थियौं सेट भई सकेको लागेको थियो । एउटा अवस्थामा हामीले संघर्ष गर्न पुग्यौं’, ज्ञानेन्द्रले भने ।
त्यसैमा थपे, ‘जोरा देखी खुसी छु । उसको लागि यस्तो खालको इनिङ एकदमै महत्वपूर्ण थियो जस्तो लाग्छ । अन्तर्राष्ट्रिय टोलीमा पनि उ आउने र जाने भई राखेको छ । उसको क्षमता देख्न सकिन्छ ।’
टियु क्रिकेट मैदानमा टस हारेर पहिला ब्याटिङको निम्तो पाएको एपीएफ एक समय ४१–५ को दयनीय अवस्थामा पुगेको थियो । तर सन्दीप जोराले १ सय १२ रनको शतकीय इनिङका साथ एपीएफलाई २४१–९ को अवस्थामा पुर्याएका थिए ।
मल्ल नेपाली क्रिकेटले पाएका एक सफल ब्याटर हुन् । गत साउनमा मात्रै नेपाली क्रिकेट टोलीबाट झन्डै डेढ दशक खेलाडी जीवनको यात्रामा पूर्णविराम लगाएका थिए । अघिल्लो महिना सिंगापुर पुगेर लेभल टु कोचिङ कोर्ष सम्पन्न गरेका थिए ।
‘अलिकति फरक भूमिका त भई हाल्यो । एउटा खेलाडी र प्रशिक्षक भएर काम गर्दा धेरै फरक पर्छ । अरुलाई सहयोग गर्न मलाई सधैं मनपर्छ । त्यसले गर्दा एकै पटक खेलाडीबाट प्रशिक्षकको रुपमा आउन अलीकति सजिलो पनि भयो’, उनले भने ।
त्यसैमा उनले थपे, ‘तर पनि सरप्राइज भन्दा पनि कोचिङ एउटा स्कुल वा एकेडेमी स्तरमा होस् । कोचिङमा आवद्ध भएको पनि थुप्रै वर्ष भईसक्यो । आफैंलाई सरप्राइज अनुभव लागेन । अरुको लागि हुनसक्ला’, उनले भने ।
‘अरु बेला भन्दा अलिकति फरक छ । प्लेइङ-११ मा हुँदा मैदानमा सबै कुरा मिलाउने र ध्यान केन्द्रित हुन्थ्यो । बाहिर चाहेपनि हुँदैन थियो । तर अहिले समग्र सबै पिक्चरहरुमा ध्यान दिनुपर्ने र फिल्डहरु पनि हेर्नुपर्ने हुँदो रहेछ’, उनले भने ।
ज्ञानेन्द्रले एपीएफसँग प्रशिक्षकको रुपमा आफ्नो सम्झौता अहिलेलाई पिएकपसम्म भएको बताएका छन् । ‘अहिले छोटो समयका लागि हो । लामो समयका लागि भन्ने कुरा थियो । तर म आफैंले पनि पिएमकप अवधी भर हेरौं भने । अहिले भन्दा भिन्न तरिकाले क्लब बढ्नुपर्छ । पिएमकपपछि बसेर हामी सल्लाह गरेर कसरी जान सक्छौं भनेर निर्णय गर्र्ने छौं । त्यो अनुसारले नै निर्धारण हुन्छ’, उनले भने ।
ज्ञानेन्द्रको पूरा भिडियो :
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]