10 months ago
January 14, 2024
एजेन्सी – ओपनर फिन एलेन र तीव्र गतिका बलर एडम मिल्नेको उत्कृष्ट प्रदर्शनमा घरेलु टोली न्युजिल्यान्डले दोस्रो टि२० आई खेलमा पाकिस्तानलाई २१ रनले हराएको छ । यो जितसँगै न्युजिल्यान्डले पाँच खेलको सिरिजमा २–० को अग्रता लिएको छ ।
जितको लागि १ सय ९५ रनको बलियो विजयी लक्ष्य पछ्याएको पाकिस्तान १९.३ ओभरमा १ सय ७३ रनमा अल आउट भयो । पाकिस्तानका बाबर आजमले ४३ बलमा ७ चौका र २ छक्कासहित सर्वाधिक ६६ रन बनाएपनि जितको लागि पर्याप्त हुन सकेन ।
फखार जमानले २५ बलमा ३ चौका र ५ छक्कासहित ५० रनको आक्रामक इनिङ खेले । बाबर र फखार बाहेक अन्य ब्याटरले राम्रो प्रदर्शन गर्न सकेनन् । कप्तान शाहिन शाह अफ्रिदी २२, मोहम्मद रिजवान ७ र सैम अयुबले १ रन बनाए ।
न्युजिल्यान्डका एडम मिल्नेले ४ ओभरमा ३३ रन खर्चेर ४ विकेट लिए । टिम साउथी, बेन सेआर्स र ईश सोधीले २–२ विकेट लिए ।
त्यसअघि हामिल्टनमा टस हारेर पहिला ब्याटिङको निम्तो पाएको न्युजिल्यान्डले २० ओभरमा ८ विकेट गुमाउँदै १ सय ९४ रन बनाएको थियो । न्युजिल्यान्डका फिन एलेनले ४१ बलमा ७ चौका र ५ छक्कासहित सर्वाधिक ७४ रनको इनिङ खेले । डेभन कन्वे २०, केन विलियम्सन २६, डर्याल मिचेल १७, ग्लेन फिलिप्स १३ र मिचेल सान्टनारले २५ रन बनाए ।
पाकिस्ताानका हरिस रौफले ४ ओभरमा ३८ रन खर्चेर ३ विकेट लिए । अब्बास अफ्रिदीले २, आमेल जामल र उस्मान मिरले १–१ विकेट लिए ।
न्युजिल्यान्ड पहिलो खेलमा ४६ रनले विजयी भएको थियो । तेस्रो खेल बुधबार हुनेछ । चौथो शुक्रबार र पाँचौं तथा अन्तिम खेल हुनेछ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]