10 months ago
January 14, 2024
काठमाडौं (हाम्रो खेलकुद) – नेपाल एपीएफ क्लबले प्रधानमन्त्री कप एकदिवसीय राष्ट्रिय प्रतियोगितामा बागमती प्रदेशविरुद्ध खराब ब्याटिङ गरेसँगै संकटमा पुगेको छ ।
टियु क्रिकेट मैदानमा टस हारेर पहिला ब्याटिङको निम्तो पाएको एपीएफले १४ ओभरमा ५ विकेट गुमाउँदै ४९ रन बनाएको छ । क्रिजमा लोकेश बम १ र सन्दीप जोरा ५ रन छन् ।
ओपनर प्रज्वल शाहीलाई प्रतिश जि.सीले पाँचौं ओभरको पहिलो बलमा १० रनमा सोनु देवकोटाबाट क्याच आउट गराउँदै बागमतीलाई पहिलो सफलता दिलाए । अर्को ओभरमा रोहित पौडेल रिजन ढकालको बलमा २ रना एलबीडब्लू आउट भए । रोहित २०१८ पछि पहिलो पटक एपीएफ फर्किदै टोलीको कप्तानी पनि गरेका छन् ।
आठौं ओभरको तेस्रो बलमा रिजनले आसिफ शेखलाई १५ रनमा बोल्ड आउट गरे । तर उक्त बोल्ड आउट बागमतीका खेलाडी, आसिफ र अम्पायर कसैले चाल पाउन सकेका थिएनन् ।
टियु एण्डबाट आएका स्पिनर सूर्य तामाङले १३ औं ओभरमा दुई विकेट लिएपछि एपीएफ संकटमा पुगेको छ । दोस्रो बलमा सुमित महर्जन ६ रनमा एलबीडब्लू आउट भए । दुई बलपछि पुरन बिकलाई शून्यमा बोल्ड गरेपछि एपीएफ १२.४ ओभरमा ४१–५ को दयनीय अवस्थामा पुगेको थियो ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]