काठमाडौं (हाम्रो खेलकुद) –नेपाली क्रिकेट टोलीका कप्तान रोहित पौडेलले त्रिभुवन आर्मी क्लब छाडेका छन् । प्रधानमन्त्री कप राष्ट्रिय एकदिवसीय प्रतियोगिता शनिबार देखि सुरु हुँदैछ ।

आर्मीका मुख्य प्रशिक्षक चन्द्र सावदले रोहितले आर्मी छाडेको हाम्रो खेलकुदलाई जानकारी दिएका छन् ।

रोहितले पछिल्लो पटक आर्मीबाट गत महिना विरगंजमा सम्पन्न प्रो क्लब च्याम्पियनसिप खेलेका थिए । रोहित सन् २०१८ मा एपिएफले प्रधानमन्त्री कपको उपाधि जित्दा टोलीका सदस्य थिए । त्यसपछि रोहित एपिएफ छाडेर आर्मी गएका थिए ।

रोहितले अब नेपाल पुलिस क्लब वा नेपाल एपिएफ क्लब मध्ये एकबाट खेल्ने सम्भावना छ ।

रोहित गतवर्ष नेपालको कप्तानमा नियुक्त भएका थिए । उनको कप्तानीमा नेपालले सानदार प्रदर्शन गर्दै आएको छ । ओडिआई मान्यता निरन्तरता, टि२० विश्वकपमा पुनः स्थान र पहिलो पटक एसिया कप खेल्ने जस्ता ठूलो उपलब्धि हात पारेको छ ।

रोहित नेपालका भरपर्दा ब्याटर समेत हुन् । हरि चौहानले केही महिना अघिनै आर्मी छाडेका थिए । काठमाडौं हुँदै बागमतीबाट प्रदेश छ्नोट खेले पनि उनले अन्तिम टोलीमा स्थान बनाउन सकेनन् । स्पिनर सुशान भारी आर्मी छाडेर अष्ट्रेलिया पुगि सकेका छन् ।

यु१९ विश्वकपका कारण आकाश चन्द पनि आर्मीको टोलीमा हुने छैनन् । आर्मीमा कप्तान विनोद भन्डारी, सोमपाल कामी, भिम सार्की, जितेन्द्र मुखिया लगायतका चर्चित खेलाडी हुनेछन् । स्पिनर साहब आलमले भने उत्कृष्ट प्रदर्शन गर्दै आएका छन् ।

प्रधानमन्त्री कप पहिलो पटक राउन्ड रोविनको आधारमा हुनेछ । टियु, मुलपानी र भैरहवामा एक साथ प्रतियोगिता सन्हुचालन हुनेछ ।