काठमाडौं (हाम्रो खेलकुद) – पर्सा जिल्लाले मधेश प्रदेश छनोटको फाइनलमा बारालाई १५ रनले हराउँदै उपाधि जितेको छ । जितको लागि १ सय ३३ रनको लक्ष्य पछ्याएको बाराले २३ ओभरमा ६ विकेट गुमाउँदै १ सय १७ रन बनायो ।

बाराका निरज यादवले ५८ बलमा ५ चौका र १ छक्कासहित सर्वाधिक ४७ रनमा नट आउट रहे । अनिल कुमार शाह १८ बलमा २ चौकासहित १४ रनमा आउट भए । साहिल पटेल २५ रनमा आउट भए । पर्साका सोनु शर्माले ५ ओभरमा २५ रन खर्चेर सर्वाधिक ३ विकेट लिए ।

त्यसअघि टस जितेर पहिला ब्याटिङ रोजेको पर्साले २३ ओभरमा ९ विकेट गुमाउँदै १ सय ३२ रन बनाएको थियो । ओपनर शरफराज मानिउरी र हसिम अन्सारी २८-२८ रन बनाए । सैफवान अली १५ र रान्जन यादवले २१ रन बनाए । सोनु शर्माले १३ बलमा १ चौका र १ छक्कासहित महत्वपूर्ण १८ रन बनाउँदै प्लेयर अफ द म्याच अवार्ड समेत जिते ।

बाराका अनिल कुमार शाहले ५ ओभरमा १५ रन खर्चेर ५ विकेट लिएपनि टोलीलाई च्याम्पियन भने बनाउन सकेनन् । प्रतियोगितामा हरिशंकर शाह सर्वोत्कृष्ट खेलाडी चुनिए । उत्कृष्ट ब्याटर अरनिको यादव र बलर समसाह अन्सारी चुनिए ।