8 months ago
January 6, 2024
एजेन्सी – अन्तर्राष्ट्रिय क्रिकेट परिषद् (आइसिसी) ले आगामी जुनमा हुने टि२० विश्वकपको समूह, खेल तालिका र स्थान सार्वजनिक गरेको छ । जुन १ देखी २९ सम्म अमेरिका र वेस्टइन्डिजमा हुने टि२० विश्वकपमा नेपाल समूह डी छ । समूह डी मा दक्षिण अफ्रिका, श्रीलंका, बंगलादेश, नेदरल्यान्ड्स र नेपाल छन् ।
समूह ए मा भारत, पाकिस्तान, आयरल्यान्ड, क्यानडा र अमेरिका छन् । समूह बी मा इंग्ल्यान्ड, अष्ट्रेलिया, नामिबिया, स्कटल्यान्ड र ओमान छन् । समूह सी मा न्युजिल्यान्ड, वेस्टइन्डिज, अफगानिस्तान, युगान्डा र पपुवा न्युगिनी छन् ।
अन्य सबै समूहमा दुई ठूला टेस्ट टिम छन् । समूह ए मा भारत र पाकिस्तान छन् । समूह बी मा ठूला टेस्ट टिमको रुपमा इंग्ल्यान्ड र अष्ट्रेलिया छन् । समूह सी मा ठूला टेस्ट टिममा न्युजिल्यान्ड र वेस्टइन्डिज छन् । तर नेपालको समूहमा बिग टिमको रुपमा दक्षिण अफ्रिका मात्रै छ ।
नेपालको समूहमा टेस्ट टोलीको रुपमा दक्षिण अफ्रिका, बंगलादेश र श्रीलंका छन् । श्रीलंका र बंगलादेशको पछिल्लो समय स्तर खस्किदो छ । पछिल्ला दुई विश्वकपमा यी दुई टेस्ट टोलीको प्रदर्शन राम्रो पनि छैन ।
एसोसिएट टोलीसँग स्तब्ध भएका छन् । पछिल्लो समय अन्तर्राष्ट्रिय क्रिकेटमा पनि लगातार कमजोर प्रदर्शन गर्दै आएका छन् ।
२०२१ को टि२० विश्वकपमा बंगलादेश स्कटल्यान्डसँग ६ रनले हारेको थियो । गत वर्ष श्रीलंका नामिबियासँग टि२० विश्वकपमा ५५ रनले पराजित भएको थियो ।
नेदरल्यान्ड्स र नेपाल एसोसिएट टोली हुन् । पछिल्ला पाँच टि२० आई खेलमा नेपालले नेदरल्यान्ड्सलाई ३ पटक हराएको छ । यद्यपी पछिल्ला दुई वर्षमा नेपालले भन्दा नेदरल्यान्ड्सले विश्व क्रिकेटमा धेरै सानदार प्रदर्शन गर्दै आएकोछ । ठूला टेस्ट टोलीलाई लगातार स्तब्ध पार्दै आएको छ ।
त्यसैले तुलना गर्दा नेपाल अन्य समूह भन्दा सहजमा परेको छ । समूह डी बाट दक्षिण अफ्रिका सुपर ८ मा अपराजित हुँदै जानसक्ने टोलीको रुपमा छ । समूह डी बाट दोस्रो टोलीको रुपमा सुपर ८ मा पुग्न चार टोलीबीच प्रतिस्पर्धा हुने अनुमान गरिएको छ ।
गत वर्ष नेदरल्यान्ड्सले टि२० विश्वकप र यस वर्ष एकदिवसीय विश्वकप दुबैमा दक्षिण अफ्रिकालाई हराएको थियो । तर पनि दक्षिण अफ्रिका यस पटक विश्वकपको दाबेदार टोली पनि हो । दुई महिना अघि सम्पन्न एकदिवसीय विश्वकप सेमिफाइनलमा अष्ट्रेलियासँग पराजित हुँदै बाहिरिएको थियो ।
तीव्र गतिका बलर कागिसो रबाडा, एनरिच नोर्किया, जेराल्ड कोट्जी, मार्को यानसन र लुंगी एनगिडी जस्ता नाम छन् । ब्याटरमा डेविड मिलर, एडेन माक्ररम, क्विन्टन डि कक, राइली रोसोउ र हेनरिक क्लासेन लगायतका चर्चित टि२० खेलाडी छन् । नेपालले दक्षिण अफ्रिकासँग पहिलो पटक खेल्नेछ । यो खेल विश्वकपमा नेपालको सबैभन्दा प्रतीक्षा गरेको खेल हुनेछ ।
टि२० विश्वकपा सुपर ८ मा दुई समूहमा विभाजन गरिनेछ । शीर्ष दुई दुई टोली सेमिफाइनल खेल्नेछन् । यस पटक देखी विश्वकपमा २० टोलीको सहभागीता छ ।
यसअघि १६ टोली विश्वकप खेल्ने गर्दथे । पहिलो चरणबाट दुई दुई टोली सुपर १२ मा पुग्ने गर्दथे । तर टोली संख्या बढाएसँगै अव २० टोलीलाई चार समूहमा विभाजन गरिएको छ । त्यसैले नेपालले ठूला टोलीसँग सोझै खेल्ने अवसर पाएको हो ।
नेपाल २०१४ को टि२० विश्वकपमा भने बंगलादेशसँग नेटरनरेटमा पछि पर्दै पहिलो चरणबाटै बाहिरिएको थियो । त्यो विश्वकपमा नेपालले हङकङ र अफगानिस्तानलाई हराएको थियो । बंगलादेशसँग हार्न पुगेको थियो ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]