1 year ago
January 2, 2024
विनोद सिंह विष्ट, बैतडी
प्रधानमन्त्री कप एकदिवसीय राष्ट्रिय क्रिकेट प्रतियोगिताको सुदूरपश्चिम प्रदेशस्तरीय छनौट अर्थात इलाइट च्याम्पियनसिपमा बैतडीले लगातार दोस्रो जित दर्ता गरेको छ।
पहिलो खेलमा बझाङलाई १ सय ८१रनले पराजित गरेको बैतडीले दोस्रो जित दर्ता गर्ने क्रममा मंगलबार अछाममाथि ९८ रनको विशाल जित दर्ता गर्यो। निर्धारित ५० ओभरको खेल रहेकोमा बिहान हुस्सुका कारण ४० ओभरमा झारिएको थियो।
जितका लागि पाएको २ सय १४ रनको लक्ष्य पछ्याउने क्रममा अछाम २८.५ ओभरमा १ सय १५ रनमा अलआउट भयो । उसका महाजन कुवरले सर्वाधिक २४ रन हिर्काए। बैतडीका लागि गजेन्द्र बोहराले ३,भुपेन्द्र चन्द, रिसिकेश बोहरा,वसन्त खत्रीले २(२ विकेट लिए ।
यसअघि फाप्ला क्रिकेट मैदानमा टस जितेर पहिला ब्याटिङ गरेको बैतडी ३८.५ ओभरमा २ सय १३ रनमा समेटियो । जसमा नरेन भट्टले अर्धशतकीय पारी खेल्दै ५२ रनको योगदान गरे।
यस्तै खडक बोहराले ३४,वसन्त खत्रीले २७, नरेश चन्दले २२, सुदीप टमाटाले २२, रिसिकेश बोहराले १६ रन बनाए। अछामका रोहित खड्का र अभिषेक चौधरीले ३र३ विकेट झारे। प्रतियोगिता अन्तरगत भोलि अछाम र कञ्चनपुर भिड्नेछन् ।
सुदूरपश्चिम प्रादेशिक क्रिकेट संघको आयोजनामा पुस १४ गतेदेखि शुरू भएको प्रतियोगिता पुस २४ गते सम्पन्न हुनेछ ।
प्रादेशिक क्रिकेट संघले यसवर्षदेखि प्लेट र इलाइट च्याम्पियनसिप गरेर दुई चरणमा प्रदेश छनौट गरिररहेको छ।
गतवर्षको प्रदेश छनौटमा सेमिफाइनल पुगेका टोलीले सोझै ईलिट च्याम्पियनसिप र सेमिफाइनलमा नपुगेका टोलीले प्लेट च्याम्पियनसिप खेलेका हुन्।
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]
January 15, 2025
काठमाडौं(हाम्रो खेलकुद) – विभागिय टोली नेपाल एपिएफ क्लबले धनगढीमा जारी महिला प्रधानमन्त्री कप टि ट्वान्टी राष्ट्रिय प्रतियोगितामा लगातार दोस्रो जित हासिल गरेको छ । एपिएफले बुधवार गण्डकी प्रदेशलाई ८ विकेटले पराजित गरेको हो । हुस्सु लागेका कारण ढिला सुरु भएको खेल १५ ओभरमा छोट्याइएको थियो । ७१ रनको लक्ष्य एपिएफले ९.३ ओभरमा २ विकेट गुमाएर […]
