10 months ago
December 29, 2023
एजेन्सी – दुई साता अघि इन्डियन प्रिमियर लिग (आइपिएल) अक्सनमा अष्ट्रेलियाका तीव्र गतिका बलर मिचेल स्टार्कलाई कोलकाता नाइट राइडर्सले इतिहासकै सर्वाधिक महँगो मूल्य खर्चियो । अक्सनमा कोलकाताले २४ करोड ७५ लाख भारु (झन्डै ४० करोड नेपाली रुपैयाँ) खर्चेको थियो ।
२.९ मिलियन डलर पाएका उनी २०१५ पछि पहिलो पटक आइपिएल खेल्नेछन् । अक्सनमा एक घण्टा अघि प्याट कमिन्सको २० करोड ५० लाख भारुको कीर्तिमान तोडेका थिए । गतवर्ष अक्सनमा इंग्ल्यान्डका साम करनलाई पञ्जाब किंग्सले १८ करोड ५० लाख भारु खर्चेको थियो ।
स्टार्क वर्तमान विश्व क्रिकेट इतिहासमा सर्वाधिक गतिमा बलिङ गर्ने बलर समेत हुन् । उनले प्रतिघण्टा १६०.४ किलोमिटरको गतीमा बलिङ गरि सकेका छन् । स्टार्कले २०२४ को आइपिएलमा लिगका १४ खेलको हिसाब गर्दा प्रत्येक बलको मूल्य साढे ११ लाख नेपाली रुपैयाँ पाउनेछन् ।
स्टार्कले २०१४ मा बेंगलोरबाट दिल्लीविरुद्ध आइपिएलमा डेब्यू गरेका थिए । त्यो वर्ष उनलाई बेंगलोरले अक्सनमा ५ करोड भारुमा किनेको थियो । २०१४ र २०१५ को सिजन उनले बेंगलोरबाट खेलेका थिए ।
त्यसपछि उनले कुनैपनि आइपिएल खेल खेलेका छैनन् । २०१८ को अक्सनमा उनलाई कोलकाताले ९ करोड ४० लाख भारुमा किनेको थियो । तर चोटका कारण उनले त्यो वर्ष आइपिएल खेलेका थिएनन् । त्यसपछि अक्सनमा उनले आफ्नो नाम पनि दिएका थिएनन् ।
अष्ट्रेलियालाई पहिलो प्राथमिकतामा राख्दै उनले आइपिएल नखेल्ने जनाएका थिए । शरीरिको ओभरलोड कम गर्न, राष्ट्रको खेल पहिलो प्राथमिकता, श्रीमती एलिसा हेलीसँगै परिवारलाई पर्याप्त समय नदिन आइपिएल नखेल्ने निर्णय लिँदै आएका थिए ।
आइपिएलमा २०१८ यता हरेक अक्सनम तीव्र गतिका बलरमाथि धनको वर्षा हुँदै आएको थियो । अक्सनमा स्टार्क माग उच्च हुँदा धनको वर्षा हुने सम्भावना थियो । तर उनले धन भन्दा पनि परिवार र अष्ट्रेलियालाई पहिलो प्राथमिकतामा राखे ।
अष्ट्रेलियाले २०१५ को एकदिवसीय विश्वकप उपाधि जित्दा स्टार्क प्रतियोगिता सर्वोत्कृष्ट खेलाडी हुन् । उनले उक्त प्रतियोगितामा उनले २२ विकेट लिएका थिए । २०१९ को एकदिवसीय विश्वकप सेमिफाइनलमा अष्ट्रेलिया इंग्ल्यान्डसँग पराजित हुँदै बाहिरिएको थियो । तर उक्त विश्वकपमा २७ विकेटका साथ शीर्ष स्थानमा थिए ।
२०२१ को टि२० विश्वकप र २०२३ को विश्वकप टेस्ट च्याम्पियनसिप फाइनलको उपाधि जिताउन उनको महत्वपूर्ण प्रदर्शन थियो । स्टार्कले हरेक बल प्रतिघण्टा १ सय ४५ किलोमिटरको गतीमा बलिङ गर्दै आएका छन् ।
विश्वकप अघि आइपिएल खेल्ने निर्णय
यस पटक टि२० विश्वकप अघि आइपिएल हुनेछ । आइपिएल मार्च मे मा हुनेछ । टि२० विश्वकप जुनमा हुनेछ । विश्वका सबै प्रमुख टि२० खेलाडी खेल्ने हुँदा स्टार्क आइपिएल खेल्ने निर्णय लिएका हुन् । जसले विश्वकप अघि उनले विपक्षी प्रमुख ब्याटरको कमजोरी पत्ता लगाउन सहयोग मिल्नेछ ।
स्टार्क श्रीमती एलिसा हेली महिला क्रिकेटकी सुपरस्टार ब्याटर हुन् । यी दुई जोडीले एक अर्कालाई राम्रो साथ दिँदै आएका छन् । पछिल्लो समय महिला क्रिकेटमा अष्ट्रेलियाले एकछत्र राज गरेको छ । विश्वकप फाइनलमा आफ्नो खेल नै छाडेर श्रीमतीलाई हौसला प्रदान गर्न उनी मैदान जाने गर्दछन् ।
स्टार्क वर्तमान समयका एक उत्कृष्ट तीव्र गतिका बलर हुन् । उनको गती, योर्कर र इनस्वींग बल खेल्न विपक्षी कुनै पनि ब्याटरलाई कठिन पर्ने गर्दछ । अर्कोतर्फ स्टार्क बिग म्याच प्लेयर हुन् ।
महत्वपूर्ण र नकआउट खेलमा उत्कृष्ट प्रदर्शन गर्दै आएका छन् । अघिल्लो महिना भारतलाई हराउँदै अष्ट्रेलियालाई विश्वकपको उपाधि जिताउन सानदार प्रदर्शन गरेका थिए । जसको कारण अक्सनमा थप महँगो मूल्य पाएका हुन् ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]