9 months ago
December 24, 2023
काठमाडौं (हाम्रो खेलकुद) – अलराउन्डर कविता जोशीको आक्रामक ब्याटिङमा सुदूरपश्चिम प्रदेशले प्रधानमन्त्री कप महिला टि२० राष्ट्रिय प्रतियोगितामा कर्णाली प्रदेशलाई १ सय ५२ रनको विशाल लक्ष्य दिएको छ ।
टियु क्रिकेट मैदानमा टस जितेर पहिला ब्याटिङ रोजेको सुदूरले निर्धारित २० ओभरमा ४ विकेट गुमाउँदै १ सय ५१ रन बनायो ।
सुदूरको लागि कविता जोशीले ५० बलमा १० चौका र १ छक्कासहित सर्वाधिक ७८ रनमा अविजित रहिन् । जारी प्रतियोगितामा यो ब्यक्तिगत उच्च स्कोर हो । यसअघि आज नै एपिएफकी इन्दु बर्माले लुम्बिनीविरुद्ध ७० रन बनाएकी थिइन् ।
कर्णालीलाई तीव्र गतिकी बलर अञ्जु गुरुङले ओपनर रुवि पोदारलाई ६ रनमा क्याच गराउँदै पहिलो सफलता दिलाएकी थिइन् । चोभार एन्डबाट आएकी उनको बलमा एज लागेर विकेटकिपर निलम शाहीबाट क्याच गराइन् । विन्दु रावललाई अञ्जुले ४ रनमा एलबीडब्लू आउट गरिन् ।
सम्झना खड्का मध्य गतिकी बलर यमुना थारुको बलमा ११ रनमा एलबीडब्लू आउट भइन् । स्पिनर रश्मिका खड्काले ऋतु कनौजियालाई १० रनमा बोल्ड गरिन् ।
रेवती धामी २४ बलमा २ चौकासहित २२ रनमा अविजित रहिन् । कर्णालीकी अञ्जु गुरुङले ४ ओभरमा ३५ रन खर्चेर २ विकेट लिइन् । यमुना थारु र रश्मी खड्काले १(१ विकेट लिइन् ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]
