9 months ago
December 22, 2023
काठमाडौं (हाम्रो खेलकुद) – युवा ब्याटर अञ्जली विश्वकर्मा र ज्योत्स्निका मरासिनीको उत्कृष्ट ब्याटिङमा गण्डकी प्रदेशले प्रधानमन्त्री कप महिला टि२० राष्ट्रिय प्रतियोगितामा कर्णाली प्रदेशलाई ४४ रनले हराएको छ । गण्डकीले पहिलो जित हात पार्दा कर्णालीको लगातार दोस्रो हार हो ।
जितको लागि १ सय ४२ रनको विशाल विजयी लक्ष्य पछ्याएको कर्णालीले २० ओभरमा ६ विकेट गुमाउँदै ९७ रन बनायो । कर्णालीको लागि गौरी बोहराले १६ बलमा ४ चौकासहित सर्वाधिक २६ रन बनाइन् ।
ओपनर यमुना थारुले २१ र तृर्सना विश्वकर्माले १९ रन बनाइन् । अन्य कुनैपनि ब्याटरले दोहोरो अंकमा रन बनाउन सकेनन् ।
गण्डकीको लागि रचना चौधरीले २ ओभरमा १८ रन खर्चेर २ विकेट लिइन् । सुमन खतिवडा र ज्योत्स्निका मरासिनीले १(१ विकेट लिइन् ।
त्यसअघि माथिल्लो मुलपानी क्रिकेट मैदानमा टस जितेर पहिला ब्याटिङ रोजेको गण्डकी प्रदेशले निर्धारित २० ओभरमा ६ विकेट गुमाउँदै १ सय ४१ रन बनाएको थियो ।
गण्डकीको जितमा ओपनर अञ्जली विश्वकर्माले ४८ बलमा ८ चौकासहित सर्वाधिक ५१ रन बनाइन् । ज्योत्स्निका मरासिनी ४० बलमा ५ चौका र १ छक्कासहित ५० रनमा रन आउट भइन् । एक विकेट पनि लिएकी ज्योत्स्निका खेलको प्लेयर अफ द म्याच चुनिन् । जारी प्रतियोगितामा अर्धशतक हान्ने यी दुई खेलाडी मात्रै हुन् । जारी प्रतियोगिता सर्वाधिक योगफल पनि हो ।
फिनिसर सुमन खतिवडाले १७ बलमा २ चौका र १ छक्कासहित २२ रनको आक्रामक इनिङ खेलिन् । अन्य ब्याटरले भने राम्रो प्रदर्शन गर्न सकेनन् ।
सृर्जना पौडेल शून्य, सीमा केसी २, सृष्टी पौडेल शून्यमा आउट हुँदा कुसुम गोदार १ रनमा अविजित रहिन् । कर्णालीको यमुना थारुले ४ ओभरमा २४ रन खर्चेर २ विकेट लिइन् । अन्जु गुरुङले ४ ओभरमा १५ रन खर्चेर २ विकेट लिइन् । रश्मी खड्काले एक विकेट लिइन् ।
कर्णाली पहिलो खेलमा कोशीसँग १० विकेटले पराजित भएको थियो । त्यस्तै गण्डकी प्रदेश पहिलो खेलमा लुम्बिनीसँग ४ विकेटले पराजित भएको थियो ।
आज टियुमा भएको पहिलो खेलमा कोशीले बागमतीलाई ८ विकेटले हरायो । अव आइतबार कर्णालीले मधेशसँग टियुमा खेल्नेछ । त्यस्तै आइतबार गण्डकीले मुलपानीमा बागमतीसँग खेल्नेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]