9 months ago
December 11, 2023
काठमाडौं (हाम्रो खेलकुद) – इन्डियन प्रिमियर लिग (आइपिएल) २०२४ को अक्सनमा नेपाली खेलाडी परेका छैनन् । भारतीय क्रिकेट बार्ड(बिसिसिआई) ले आयोजना गर्ने आइपिएल २०२४ को अक्सनमा कुनैपनि नेपाली खेलाडीको नाम छैन ।
२०१८ को अक्सनमा नेपालका स्पिनर सन्दीप लामिछानेलाई दिल्ली क्यापिटल्सले २० लाखमा किनेको थियो । सन्दीप आइपिएल खेल्ने पहिलो नेपाली खेलाडी हुन् ।
२०२० मा दिल्लीले सन्दीपलाई फुकुवा गरेको थियो । २०२१ र २०२२ को अक्सनको सर्ट लिष्टमा सन्दीप परेपनि कुनै पनि टोलीले किनेका थिएनन् । गत वर्ष कुनैपनि नेपाली खेलाडी अक्सनमा थिएनन् । एसोसिएट क्रिकेटबाट नेदरल्यान्ड्सका भान मर्केन र डेविड विजा मात्रै परेका छन् । आइपिएल अक्सन आगामी डिसेम्बर १९ मा दुबईमा हुँदैछ । जसमा ३० विदेशी खेलाडी बिक्ने कोटा बाँकी छ ।
पछिल्लो सात महिनामा नेपालले भारतसँग ३ महत्वपूर्ण खेल खेलेको थियो । नेपालले एसिया कपमा भारतविरुद्ध उत्कृष्ट प्रदर्शन गरेको थियो । कम्तिमा नेपाली खेलाडी आइपिएलको अक्सनमा पर्न सक्ने अनुमान गरिएको थियो । यस पटक अक्सनमा दीपेनद्रसिंह ऐरी र सन्दीप लामिछाने बिक्न सक्ने नेपाली खेलाडीको रुपमा थिए । तर बिसिसिआईले अक्सनमै राखेको छैन ।
यस पटकको अक्सनमा कुल ३ सय ३३ खेलाडी छन् । जसमा २ सय १४ भारतीय र १ सय १९ विदेशी खेलाडी छन् । जसमा दुई एसोसिएट खेलाडी छन् । अक्सनमा बढीमा ७७ खेलाडी बिक्री हुनेछन् । जसमा ३० विदेशी खेलाडीको कोटा छ । आइपिएलमा २३ खेलाडीले सर्वाधिक २ करोड न्यूनतम मूल्य राखेका छन् ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]