1 year ago
December 10, 2023
काठमाडौं (हाम्रो खेलकुद) – नेपाली क्रिकेट टोलीका पूर्वकप्तान ज्ञानेन्द्र मल्ल, अलराउन्डर शक्ति गौचन र गण्डकी प्रदेशका मुख्य प्रशिक्षक रिजन प्रजुले आइसिसी लेभल २ कोचिङको कोर्ष गरेका छन् । सिंगापुरमा जारी लेभल आइसिसी २ कोचिङ तालिममा नेपालबाट तीन जनाले भाग लिएका हुन् ।
गत बिहीबार देखी सुरु भएको उक्त कोर्षको अन्तिम परिक्षा सोमबार हुनेछ । अन्तर्राष्ट्रिय क्रिकेट परिषद् (आइसिसी) ले आयोजना गरेको लेभल २ कोर्षमा क्यानले उक्त तीन जनालाई पठाएको हो ।
नेपालसँगै सिंगापुर, मलेसिया, थाईल्यान्ड, ओमान, साउदी अरेविया, माल्दिभ्स, उज्बेकस्तान, चीन, भुटान, पाकिस्तान, मंगोलिया र कतारबाट गरि कुल २४ जना उक्त कोर्षमा सहभागी छन् । बंगलादेशका पूर्वक्रिकेटर अमिनुल इस्लाम र पाकिस्तानका पूर्व अलराउन्डर इकबाल सिकन्दरले उक्त कोर्षमा प्रशिक्षण दिएका छन् ।
‘कोर्ष राम्रो भएको छ । पहिला गरेको भन्दा राम्रो र फरक छ । खेलाडी र क्रिकेट विकास गर्न सहयोग पुग्नेछ । प्राटिकल परिक्षापनि हुनेछ । आफ्नो कुराहरु खेलाडीलाई कसरी राख्ने पनि सिकाएको छ’, प्रजुले हाम्रो खेलकुदसँग भने ।
रिजनले लेभल १ कोर्ष २०१३, शक्तिले २०११ र ज्ञानेन्द्र मल्लले २००९ मा नै गरेका थिए । तर नेपालमा धेरै प्रतिस्पर्धी हुँदा लेभल २ कोर्ष गर्न एक दशक लागेको हो ।
रिजनले गण्डकी प्रदेशको मुख्य प्रशिक्षक सम्हाल्दै आएका छन् । उनको प्रशिक्षणमा गण्डकीले पछिल्लो समय लगातार राम्रो प्रदर्शन गरेको छ । शक्ति गौचनले भैरहवामा आफ्नै स्टार एकेडेमी सञ्चालन गर्दै खेलाडी उत्पादन गर्दै आएका छन् । शक्ति र रिजनले २०२१ मा एभरेष्ट प्रिमियर लिगमा पोखरा राइनोजमा पनि फिल्डिङ र बलिङ प्रशिक्षकको रुपमासँगै काम गरेका थिए ।
नेपाली क्रिकेट टोलीका अलराउन्डर कुशल मल्ल र सुशान भारी शक्तिकै उत्पादन हुन् । नेपालका एक सर्वाधिक सफल अलराउन्डर शक्तिले २०१८ मा नेपाली क्रिकेटबाट सन्न्यास लिएका थिए । ज्ञानेन्द्रले चार महिना अघि मात्रै अन्तर्राष्ट्रिय क्रिकेट करिअरबाट सन्न्यास लिएका थिए ।
January 15, 2025
काठमाडौं(हाम्रो खेलकुद) – जय ट्रफी मेन्स एलिट कप क्रिकेटको फाइनलमा त्रिभुवन आर्मी क्लबविरुद्ध नेपाल पुलिस क्लबले सामान्य अग्रता लिएको छ। वीरगंजमा जारी फाइनलमा पुलिसले दोस्रो दिन बुधवारको खेल सकिँदा दोस्रो इनिङमा ९५ रनको अग्रता लिएको छ । दोस्रो दिनको समाप्तिमा पुलिसले १ सय ३२ रन जोड्दा ९ विकेट गुमाएको छ । पुलिसका लागि कुशल भुर्तेलले […]
January 15, 2025
काठमाडौं(हाम्रो खेलकुद) – ओपनर ब्याटर कविता कुँवरको अर्धशतकमा सुदूरपश्चिम प्रदेशले धनगढीमा जारी महिला प्रधानमन्त्री कप राष्ट्रिय टि ट्वान्टी प्रतियोगितामा बुधवार लुम्बिनी प्रदेशलाई पराजित गरेको छ । दिनको दोस्रो खेलमा सुदूरपश्चिमले लुम्बिनीमाथि ७५ रनको जित हात पारेको छ । पहिलो खेलमा मंगलवार गण्डकी प्रदेशलाई पराजित गरेको सुदूरपश्चिमको यो लगातार दोस्रो जित हो । लुम्बिनी आफ्नो पहिलो […]
January 15, 2025
काठमाडौं(हाम्रो खेलकुद) – विभागिय टोली नेपाल एपिएफ क्लबले धनगढीमा जारी महिला प्रधानमन्त्री कप टि ट्वान्टी राष्ट्रिय प्रतियोगितामा लगातार दोस्रो जित हासिल गरेको छ । एपिएफले बुधवार गण्डकी प्रदेशलाई ८ विकेटले पराजित गरेको हो । हुस्सु लागेका कारण ढिला सुरु भएको खेल १५ ओभरमा छोट्याइएको थियो । ७१ रनको लक्ष्य एपिएफले ९.३ ओभरमा २ विकेट गुमाएर […]
