एजेन्सी – युएईले टेस्ट टोली अफगानिस्तानसँग सिरिज खेल्ने भएको छ । अफगानिस्तान क्रिकेट बोर्डले युएईसँग दुई एकदिवसीय अभ्यास खेल र तीन टि२० आई खेलको सिरिज खेल्ने घोषणा गरेको छ ।

अभ्यास र तीन टि२० आईका खेलहरु शाहजाहमा हुनेछन् । पहिलो र दोस्रो अभ्यास खेल २५ डिसेम्बर र २७ डिसेम्बरमा हुनेछ । तीन टि२० आई खेलको सिरिज भने डिसेम्बर २९, ३१ र जनवरी २ मा हुनेछ ।

युएई एक महिना अघि आइसिसी टि२० विश्वकप एसिया क्षेत्र छनोटको सेमिफाइनलमा मुलपानी क्रिकेट मैदानमा नेपालसँग ८ विकेटले पराजित हुँदै २०२४ को जुनमा हुने विश्वकप खेल्न पाएको थिएन । उक्त प्रतियोगिताबाट बाहिरिएपछि युएईले पहिलो प्रतियोगिता खेल्न लागेको हो ।

अफगानिस्तान गतवर्ष पनि युएईसँग टि२० आई सिरिज खेल्न आएको थियो । त्यो समय युएईले सिरिज २–१ ले गुमाएको थियो । २०२३ मा युएईले न्युजिल्यान्डसँग पनि तीन टि२० आई खेलको सिरिज खेलेको थियो । त्यसमा तीन खेलको सिरिज २–१ ले गुमाएको थियो ।

विश्वकप गुमाएपछि अव युएई सिरिज र आइसिसी विश्वकप लिग–२ मा ब्यस्त हुनुपर्ने हुन्छ । आइसिसी विश्वकप लिग–२ मा नेपाल, युएई, स्कटल्यान्ड, नेदरल्यान्ड्स, ओमान, अमेरिका, क्यानडा र नामिबियाले प्रतिस्पर्धा गर्नेछन् । नेपालले भने आगामी फेब्रुअरीमा नामिबिया र नेदरल्यान्ड्ससँग टियुमा खेल्दै लिग २ को सुरुवात गर्नेछ ।