11 months ago
December 3, 2023
एजेन्सी – घरेलु टोली भारतले पाँचौं तथा अन्तिम टि२० आई खेलमा अष्ट्रेलियामाथि ६ रनको रोमान्चक जित हात पारेकोछ । भारतले सिरिज ४-१ ले जितेकोछ ।
जितको लागि १ सय ६१ रनको विजयी लक्ष्य पछ्याएको अष्ट्रेलियाले निर्धारित २० ओभरमा ८ विकेट गुमाउँदै १ सय ५४ रन बनायो । अष्ट्रेलियाका बेन म्याकडेर्मोटले ३६ बलमा ५ छक्कासहित सर्वाधिक ५४ रन बनाएका थिए ।
अष्ट्रेलियालाई अन्तिम ६ बलमा जितको लागि १० रन चाहिएको थियो । सुरुवाती दुई बल अर्शदिप सिँहले म्याथ्यु वेडलाई डट राखे । तेस्रो बलमा वेड क्याच आउट भएपछि जितको सम्भावना कठिन बनेको थियो । वेडले १५ बलमा ४ चौकासहित २२ रन बनाए ।
चौथो बलमा जेसन बेहरनडोफलाई एक रन दिए । बाकी दुई बलमा ९ रन चाहिएको थियो । त्यसपछि एक एक रन दिए ।
ओपनर जोश फिलिपे ४ रनमै मुकेश कुमारको बलमा बोल्ड आउट भएका थिए । ट्रविस हेड १८ बलमा ५ चौका र १ छक्कासहित २८ रनमा स्पिनर रवि विश्रोइको बलमा बोल्ड आउट भए । आरोन हार्डी ६, टिम डेविड १७, म्याथ्यु शर्ट १६ रनमा आउट भए ।
भारतको जितमा रवि विश्रोइले ४ ओभरमा २९ रन खर्चेर २ विकेट लिए । मुकेश कुमारले ४ ओभरमा ३२ रन खर्चेर ३ विकेट लिए । अर्शदिप सिहले ४ ओभरमा ४० रन खर्चेर २ विकेट लिए ।
त्यसअघि बेंगलोरमा टस हारेर पहिला ब्याटिङको निम्तो पाएको भारतले निर्धारित २० ओभरमा ८ विकेट गुमाउँदै १ सय ६० रन बनाएको थियो ।
भारतका मध्यक्रमका ब्याटर श्रेयस ऐरले ३७ बलमा ५ चौका र २ छक्कासहित ५३ रन बनाएका थिए । तल्लोक्रमका अलराउन्डर अक्षर पटेलले २१ बलमा २ चौका र १ छक्कासहित ३१ रनको योगदान दिए । अन्य भारतीय ब्याटरले राम्रो गर्न सकेनन् ।
ओपनर यशस्वी जैसवाल १५ बलमा १ चौका र २ छक्कासहित २१ रनमा आउट भए । तीव्र गतिका बलर जेसन बेहरनडोफको बलमा टप एज लागेर नाथन एसिलबाट क्याच आउट भए । ऋतुराज गायकवाड १२ बलमा २ चौकासहित १०, सूर्यकुमार यादव ५, रिंकु सिंह ६ र जितेश शर्मा २४ रनमा आउट भए ।
अष्ट्रेलियाका जेसन बेहरनडोफले ४ ओभरमा ३० रन खर्चेर २ विकेट लिए । बेन ड्वारशइसले ४ ओभरमा ३० रन खर्चेर २ विकेट लिए । नाथन एलिस, तनविर संघा र आरोन हार्डीले १–१ विकेट लिए ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]