9 months ago
December 3, 2023
चितवन(हाम्रो खेलकुद) – चितवनमा जारी बागमती प्रदेश प्रधानमन्त्री कप क्रिकेट महिला छनोट प्रतियोगितामा काठमाडौं र ललितपुर फाइनलमा प्रवेश गरेका छन् । समूह चरणका खेलबाट अंक तालिको शीर्ष दुईमा रहँदै काठमाडौं र ललितपुरले उपाधि भिडन्त पक्का गरेका हुन् ।
समूह चरणमा तीनै खेल जितेको काठमाडौं ६ अंकसहित शिर्ष स्थानमा रहँदै फाइनलमा प्रवेश गरेको हो । उता तीन खेलमा दुई जित निकालेको ललितपुर समूह उपविजेताको रुपमा फाइनलमा स्थान बनाउन सफल भयो । एक खेल जितेको भक्तपुर तेस्रो हुँदै समूह चरणबाटै बाहिरिदा चितवन अंकबिहिन भयो ।
प्रतियोगिता अन्तर्गत आज सम्पन्न पहिलो खेलमा काठमाडौंले चितवनलाई पराजित गर्दै समूह विजेता बन्यो । भरतपुरको गौतमवुद्ध अन्तर्राष्ट्रिय क्रिकेट रंगशालाको नमूना मैदानमा भएको खेलमा काठमाडौंले चितवनविरुद्ध १०६ रनको विशाल जित हात पार्यो ।
काठमाडौंले दिएको १ सय ४५ रनको विजयी लक्ष्य पछ्याएको चितवन २० ओभरमा ६ विकेटको क्षतिमा ३८ रनमै समेटियो । चितवनका लागि हेलिशा गुरुङले १० बाहेक अन्य ब्याटरले दोहोरो अंकको रन बटुल्न सकेनन् । काठमाडौंकी बिपाशा शाहीले २ तथा प्रकृति पोख्रेल र अश्मिना कर्माचार्यले १(१ विकेट हात पारिन् ।
त्यसअघि टस हारेर पहिलो ब्याटिङ गरेको काठमाडौंले २० ओभरमा ३ विकेट गुमाउँदै १ सय ४५ रन बनाएको थियो । काठमाडौंका लागि अस्मिता खरेलले ३७ तथा यसोदा बिष्टले २२ रन जोडिन् । करिश्मा गुरुङ २९ रनमा नटआउट रहिन् । चितवनकी लक्ष्मीमाया रुम्बा, सलिना सिलवाल र खिमकुमारी लामाले १(१ विकेट लिईन् । काठमाडौंकी अस्मिता खरेल प्लेयर अफ दि म्याच भईन् ।
आजकै दोस्रो खेलमा ललितपुरले भक्तपुरलाई ६ विकेटले पाखा लगायो । भक्तपुरले दिएको ५४ रनको लक्ष्य ललितपुरले ७ ओभर ३ बलमा ४ विकेट गुमाएर भेट्टायो । उसका लागि सोनी पाख्रिनले १९ बलमा नटआउट २२ रन बनाईन् । भक्तपुरकी पूजा साउदले २ विकेट लिईन् ।
त्यस अघि टस जितेर पहिलो ब्याटिङ गरेको भक्तपुरले १८ ओभर ५ बलमा सबै विकेट गुमाएर ५३ रन मात्रै बनाउन सक्यो । उसका लागि अनुशा रोकाले १० बाहेक अन्य ब्याटरले दोहोरो अंकको रन समेत बनाउन सकेनन् । भक्तपुरलाई सस्तैमा समेट्न सोनी पाख्रिन र यशु पाण्डेले समान २(२ विकेट लिईन् । १९ बलमा नटआउट २२ रन र २ विकेट लिएकी सोनी प्लेयर अफ दि म्याच भईन् । उपाधि भिडन्त सोमबार हुनेछ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]