11 months ago
November 30, 2023
काठमाडौं (हाम्रो खेलकुद) – प्रधानमन्त्री कप महिला टि२० छनोट अन्तर्गत प्रदेश छनोटका लागि बागमती प्रदेशले २५ लाख रुपैयाँ प्रदान गर्ने भएको छ । बागमती प्रदेश खेलकुद विकास परिषद् ले बागमती प्रदेश क्रिकेट संघसँगको सहकार्यमा प्रधानमन्त्री कप महिला क्रिकेट छनोट प्रतियोगिता आयोजना गर्दैछ ।
बिहीबार एक विज्ञप्ती जारी गर्दै प्रदेश खेलकुद विकास परिषद्, बागमतीले प्रदेशले प्रदेश क्रिकेट संघसँग मिलेर तीन वटा प्रतियोगिता गर्न लागिएको जनाएकोछ । सम्झौताअनुरूप हुने बागमती प्रदेश प्रधानमन्त्री कप महिला क्रिकेट छनोट प्रतियोगिता, बागमती प्रदेश एलिट ट्रफी तथा बागमती प्रदेश द्वपक्षीय सिरिज आयोजना गर्नेछ ।
प्रदेश खेलकुद विकास परिषद्, बागमति प्रदेशका सदस्यसचिव सूर्यलाल भण्डारीले प्रदेश छनोटको तयारी पूरा भएको जानकारी दिएका छन् । प्रतियोगिताको सम्पूर्ण प्राविधिक व्यवस्थापन बागमती प्रादेशिक क्रिकेट संघले गर्ने भएको छ । यस प्रतियोगिताको लागि प्रदेश खेलकुद विकास परिषद्, बागमती प्रदेशले २५ लाख रुपैयाँ बजेट प्रदान गर्नेछ ।
छनोट प्रतियोगिताको उद्घाटनसँगै १० वटा खेलहरू चितवनको गौतमबुद्ध अन्तर्राष्ट्रिय रंगशालामा र ६ वटा खेल मूलपानी क्रिकेट मैदानमा सञ्चालन हुने भएको छ । बागमती प्रदेश खेलकुद परिषद्ले क्रिकेट रंगशालालगायतका भौतिक पूर्वाधार निर्माणसँगै खेलाडीहको क्षमता विकासका लागि विभिन्न किसिमका तालिम तथा प्रतियोगिता सञ्चालन गर्ने योजना अनुरुप छनोट प्रतियोगिताका कार्यक्रम अगाडि बढाएको उल्लेख गरेको छ ।
आगामी मंसिर १५ गतेदेखि २९ गतेसम्म हुने प्रतियोगितामा ६४ खेलाडीको सहभागी हुनेछन् । प्रतियोगिताबाट छनोट परेका खेलाडीलाई आगामी पुष १ गतेदेखि हुने प्रधानमन्त्री कप महिला राष्ट्रिय क्रिकेट प्रतियोगितामा र बागमती प्रदेशले फागुन २५ गतेदेखि आयोजना गर्ने प्रथम अन्तरप्रदेश राष्ट्रिय खेलकुदमा सहभागी गराइने विज्ञप्तीमा उल्लेख गरिएको छ । छनोट भएका टोलीले एपिएफ क्लबसँग मैत्रीपूर्ण सिरिज पनि खेल्नेछन् । उक्त सिरिज आगामी मंसिर २७, २८ र २१ गते हुनेछ ।
October 29, 2024
काठमाडौं(हाम्रो खेलकुद) – ओपनर इमरान शेखको अर्धशतकमा मधेश प्रदेशले नरेश मेमोरियल यु १९ राष्ट्रिय क्रिकेट प्रतियोगितामा दोस्रो जित निकालेको छ । तेस्रो खेलमा दोस्रो जित निकाल्ने क्रममा मंगलवार मधेशले बागमती प्रदेशमाथि ४६ रनको जित हात पारेको छ । १ सय ४२ रनको लक्ष्य पछ्याएको बागमतीले ३९.४ ओभरमा अल आउट हुदै ९६ रन मात्र बनाउन सक्यो […]
October 29, 2024
काठमाडौं(हाम्रो खेलकुद) – नरेन साउदको सानदार बलिङमा सुदूरपश्चिमले नरेश मेमोरियल यु १९ राष्ट्रिय क्रिकेट प्रतियोगितामा पहिलो जित निकालेको छ । प्रतियोगिताको दोस्रो खेलमा पहिलो जित निकाल्ने क्रममा सुदूरपश्चिमले मंगलवार कर्णाली प्रदेशलसई ५ विकेटले हराएको छ । ७५ रनको लक्ष्य सुदूरपश्चिमले १८.१ ओभरमा ५ विकेट गुमाएर पूरा गर्यो । सुदूरपश्चिमका नरेन भट्टले सर्वाधिक २८, युवराज खत्रीले […]
October 29, 2024
काठमाडौं(हाम्रो खेलकुद) – १९औं द हङकङ क्रिकेट सिक्सेसमा नेपालसँग खेल्ने इङ्ग्ल्याण्डको टोली घोषणा भएको छ । हङकङ सिक्सेसले प्रतियोगितामा सहभागिता जनाउने ७ सदस्यीय इङ्ग्ल्याण्ड टोलीको मंगलवार घोषणा गरेको हो । इङग्ल्याण्डको कप्तानी अलराउन्डर रवि भोपाराले गर्नेछन् । नेपालले आफ्नो पहिलो खेलमा कात्तिक १६ गते इङ्ग्ल्याण्डसँग खेल्नेछ । द हङकङ क्रिकेट सिक्सेसमा नेपाल, अस्ट्रेलिया र इङ्ग्ल्याण्ड […]