1 year ago
November 3, 2023
काठमाडौं (हाम्रो खेलकुद) – नेपालले आइसिसी टि२० विश्वकप एसिया क्षेत्र फाइनल छनोटको सेमिफाइनल खेलमा आज युएईसँग खेल्दैछ । खेल बिहान ११ बजे माथिल्लो मुलपानी क्रिकेट मैदानमा सुरु हुनेछ । विजेता टोली २०२४ को टि२० विश्वकप खेल्न पाउनेछ ।
नेपाल र युएईबीच टि२० आईमा कुल ८ खेल भएका छन् । नेपाल ४ खेलमा विजयी हुँदा ४ खेलमा पराजित भएको छ । नेपालले २०१९ मा उसकै घरेलु मैदानमा तीन टि२० आई खेलको सिरिज २–१ ले जितेको थियो । उक्त सिरिजमा नेपालले पहिलो खेल २१ रनले हारेपनि दोस्रो खेल ४ विकेट र तेस्रो खेल १४ रनले विजयी भएको थियो । नेपालले जितेको त्यो नै पहिलो अन्तर्राष्ट्रिय टि२० आई सिरिज थियो ।
गतवर्ष आइसिसी टि२० विश्वकप ग्लोबल छनोट ए अघि चार देश सम्मिलित सिरिजमा नेपाल युएईसँग २५ रनले हारेको थियो । विश्वकपमा पुग्न निर्णायक सेमिफाइनल खेलमा नेपालले युएईसँग ६८ रनको हार व्यहोरेको थियो ।
नेपालले अघिल्लो साता त्रिकोणात्मक टि२० आई सिरिजमा माथिल्लो मुलपानी मैदानमा युएईलाई ५ विकेट र ७ विकेटले हराएको थियो । त्रिकोणात्मक टि२० आई सिरिजको फाइनलमा नेपाल युएईसँग ४ विकेटले हारेको थियो ।
December 30, 2024
काठमाडौं(हाम्रो खेलकुद) – तारकेश्वर युवा क्लबको आयोजनामा जारी स्युचाटार क्रिकेट लिग इन्डोर टि-टेन प्रतियोगिताको तेस्रो दिन सोमवार पनि ७ वटा खेल भएका छन् । आज थानकोट वारियर्स, स्मार्ट ए केयर मिडिया, ग्रेट हिमालयन क्रिकेट एकेडेमी, नेक्सस क्रिकेट एकेडेमी र मिक्समान्डु विजयी भएका छन्। पहिलो खेलमा समुह डी अन्तर्गत थानकोट वारियर्सले सानो स्वर्ग नेपाललाई ३ विकेटले […]
December 30, 2024
एजेन्सी – घरेलु टोली न्युजिल्याण्डले श्रीलंकाविरुद्धको टि ट्वान्टी आई सिरिज एक खेल अगावै जितेको छ । न्युजिल्याण्डले सोमवार भएको दोस्रो टि ट्वान्टी आई ४५ रनले जितेको छ । पहिलो टि ट्वान्टी आईमा घरेलु टोली ८ रनले विजयी भएको थियो । १ सय ८७ रनको लक्ष्य पछ्याएको श्रीलंकाले १९.१ ओभरमा १ सय ४१ रन मात्र जोड्न […]
December 30, 2024
काठमाडौं (हाम्रो खेलकुद)- नेपाली राष्ट्रिय क्रिकेट टोलीका खेलाडी दीपेन्द्र सिंह ऐरी शारदा ग्रुपको ओमोडा एन्ड जेइकोको ब्राण्ड एम्बेसडर बनेका छन्। शारदा ग्रुपका अध्यक्ष शिव रतन शारदा र दीपेन्द्रले सोमवार सम्झौता पत्रमा हस्ताक्षर गरे। सम्झौता ३ वर्षको लागि रहेको बताइएको छ। सम्झौता रकम भने खुलाइएको छैन। दीपेन्द्रले शारदा ग्रुपसँग जोडिन पाउँदा खुसी लागेको बताए। नेपाल प्रिमियर […]
