काठमाडौं (हाम्रो खेलकुद) – नेपालले आइसिसी टि२० विश्वकप एसिया क्षेत्र फाइनल छनोटमा मलेसियाविरुद्ध सानदार ब्याटिङ प्रदर्शन गरेको छ । जितको लागि १ सय ६६ रनको विजयी लक्ष्य पछ्याएको नेपालले १० ओभरमा १ विकेट गुमाउँदै ९५ रन बनाएको छ ।

कुशल मल्ल १८ बलमा १ चौका र ४ छक्कासहित ३७ रनमा क्रिजमा छन् । आसिफ शेख १७ बलमा १३ रनमा खेलेका छन् ।
ओपनर कुशल भुर्तेल २५ बलमा ४ चौका र ४ छक्कासहित ४३ रन बनाउँदै आउट भएका थिए । नेपाललाई ओपनर आसिफ शेख र कुशल भुर्तेलले ५.२ ओभरमा ४९ रनको साझेदारी गर्दै उत्कृष्ट सुरुवात दिलाएका थिए ।

कुशल पवनदीप सिंहको बलमा मिडअफमा शार्विन मुनिआन्दीबाट क्याच आउट भएपछि लगातार तेस्रो अर्धशतक बनाउन चुकेका थिए ।

त्यसअघि टियु क्रिकेट मैदानमा टस जितेर पहिला ब्याटिङ रोजेको मलेसियाले निर्धारित २० ओभरमा ९ विकेट गुमाउँदै १ सय ६५ रन बनाएको थियो ।

मलेसियाका ओपनर सैद अजिजले ४९ बलमा ८ चौका र २ छक्कासहित सर्वाधिक ६८ रनको योगदान दिएका थिए । नेपालका अभिनाश बोहराले ४ ओभरमा २७ रन खर्चेर सर्वाधिक ४ विकेट लिएका थिए ।