10 months ago
October 29, 2023
काठमाडौं (हाम्रो खेलकुद) – नेपालले आइसिसी टि२० विश्वकप एसिया फाइनल छनोटमा सोमबार सिंगापुरसँग खेल्दैछ । खेल बिहान ९ बजे टियु क्रिकेट मैदानमा सुरु हुनेछ । उपाधिको दाबेदार नेपाल सिंगापुरलाई हराउँदै सानदार सुरुवात गर्न चाहन्छ ।
नेपालले त्रिकोणात्मक टि२० आई सिरिजको फाइनल खेलमा युएईसँगको खेलबाट टोलीमा परिवर्तन गर्ने पक्का छ । त्रिकोणात्मक सिरिजमा नेपालका प्रमुख स्पिनर सन्दीप लामिछाने थिएनन् । सन्दीप विश्वकप छनोट टोलीमा छन् ।
सन्दीप टोलीमा फर्किदा नेपालले एक खेलाडीलाई बेन्चमा राख्नु पर्ने हुन्छ ।
नेपालले सन्दीप जोरा र ललित नारायण राजवंशी मध्य एकलाई बेन्चमा राख्नेछ । टोलीको समिकरण हेर्दा ललित बेन्चमा बस्नेछन् । सन्दीपलाई राख्दा नेपालको ब्याटिङ केहि कमजोर बन्नसक्छ । त्यसैले ललितलाई नै बेन्चमा राख्ने देखिन्छ । ललित पूर्ण रुपमा फिट पनि छैनन् । सन्दीपलाई अफस्पिनर दीपेन्द्रसिंह ऐरीले साथ दिनेछन् ।
कुशल मल्ल तेस्रो विकल्प हुनेछन् । आवश्यक परेमा रोहित पौडेल र कुशल भुर्तेल पनि स्पिन गर्न सक्छन् । नेपालसँग स्पिनमा पार्टटाइममा धेरै विकल्प छन् । त्यसैले ललितलाई बेन्चमा राख्दै सन्दीपलाई खेलाउने सम्भावना देखिन्छ ।
टोलीमा अन्य परिवर्तन भने देखिदैन । ओपनरमा कुशल भुर्तेल र आसिफ शेख हुनेछन् । कुशलको भूमिका आक्रामक र आसिफको इनिङ विकास हुनेछ । कुशल मल्ल तेस्रो नम्बरमा खेल्नेछन् ।
कुशल नेपालका प्रमुख टि२० खेलाडी हुन् । उनको प्रदर्शन निकै महत्वपूर्ण हुनेछ । कप्तान रोहित पौडेलको भूमिका अन्य ब्याटरलाई खुलेर खेल्ने वातावरण बनाइदिनु पर्ने हुन्छ । रोहितले एक एन्डबाट विकेट जोगाउँदै रन बनाउनु पर्ने हुन्छ ।
दीपेन्द्रसिंह ऐरी पाँचौं नम्बरमा खेल्नेछन् । दीपेन्द्र फिनिसर हुन् । उनीबाट नेपाल राम्रो अन्त्य चाहन्छ । सन्दीप जोरा छैटौं नम्बरमा खेल्नेछन् । नेपालको ब्याटिङमा गहिराई छ ।
सोमपाल कामी सातौं, गुलशन झा आठौं र करण केसी नवौं नम्बरमा खेल्न सक्छन् । राम्रो अवस्थामा करण माथि खेल्दै विष्फोटक अन्त्य गर्न सक्छन् । दशौंमा सन्दीप लामिछाने र ११ औं नम्बरमा अभिनाश बोहरा हुनेछन् । अभिनाश डेथ ओभर स्पेलिष्टको रुपमा खेल्नेछन् ।
नेपालसँग गुलशनसँग चार तीव्र गतिका बलर हुनेछन् । कुशल मल्लसहित तीन स्पिनर हुनेछन् । नेपालको बलिङमा ७ विकल्प हुनेछ । नेपालको ब्याटिङक्रम नौ नम्बरसम्म सन्दीपलाई छाड्दा हुने देखिन्छ ।
नेपालको सम्भावित प्लेइङ ११ :
आसिफ शेख (विकेटकिपर), कुशल भुर्तेल, कुशल मल्ल, रोहित पौडेल (कप्तान), दीपेन्द्रसिंह ऐरी, सन्दीप जोरा, सोमपाल कामी, करण केसी, गुलशन झा, सन्दीप लामिछाने र अभिनाश बोहरा ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]