8 months ago
October 29, 2023
एजेन्सी – आइसिसी विश्वकप २०२३ मा साविक विजेता इंग्ल्यान्ड अंक तालिकामा पुछारमा रहेको छ । इंग्ल्यान्ड ५ खेलमा १ मा जित र ४ मा हारसहित २ अंकका साथ पुछारमा छ । इंग्ल्यान्डको सेमिफाइनल सम्भावना अव अंक गणीतिय मात्रै बाँकी छ । इंग्ल्यान्डले अव भारत, अष्ट्रेलिया, नेदरल्यान्ड्स र पाकिस्तानसँग खेल्न बाँकी छ ।
यी सबै खेल जितेर मात्रै हुँदैन । भाग्यले साथ दिँदै अन्य टोलीको नतिजा पनि आफू अनुकुल आउनुपर्छ । अष्ट्रेलिया र न्युजिल्यान्डले कम्तिमा दुई खेल हार्नुपर्ने हुन्छ ।
दक्षिण अफ्रिका ६ खेलमा ५ मा जित र १ मा हारसहित १० अंकका साथ शीर्षस्थानमा छ । दक्षिण अफ्रिकाले अव न्युजिल्यान्ड, भारत र अफगानिस्तानसँग खेल्न बाँकी छ । तीन मध्य दुई जित सेमिफाइनलमा पर्याप्त हुनेछ । एक जितले पनि सेमिफाइनमा पुग्ने देखिन्छ ।
भारत ५ खेलमा अपराजित रहँदै १० अंक भएपनि नेटरनरेटको कारण दोस्रो स्थानमा छ । भारतले अव इंग्ल्यान्ड, श्रीलंका, दक्षिण अफ्रिका र नेदरल्यान्ड्ससँग खेल्न बाँकी छ । भारतले बाँकी चार मध्य दुई जित सेमिफाइनलमा पुग्न पर्याप्त हुनेछ ।
न्युजिल्यान्ड ६ खेलमा ४ मा जित र २ मा हारसहित ८ अंकका साथ तेस्रो स्थानमा छ । न्युजिल्यान्डले अव दक्षिण अफ्रिका, पाकिस्तान र श्रीलंकाँग खेल्नेछ । अष्ट्रेलिया ६ खेलमा ४ मा जित र २ मा हारसहित ८ अंकका साथ चौथो स्थानमा छ ।
अष्ट्रेलियाले इंग्ल्यान्ड, बंगलादेश र अफगानिस्तानसँग खेल्न बाँकी छ । अष्ट्रेलिया र न्युजिल्यान्डलाई बाँकी तीन मध्य दुई खेलमा जित आवश्यक पर्दछ । श्रीलंका ५ खेलमा २ मा जित र ३ मा हारसहित ४ अंकका साथ पाँचौं स्थानमा छ । श्रीलंकाले अव अफगानिस्तान, भारत, बंगलादेश र न्युजिल्यान्डसँग खेल्न बाँकी छ ।
पाकिस्तान ६ खेलमा २ मा जित र ४ मा हारसहित ४ अंकका साथ छैटौं स्थानमा छ । पाकिस्तानले अव बंगलादेश, न्युजिल्यान्ड र इंग्ल्यान्डसँग खेल्न बाँकीछ ।
अफगानिस्तान ५ खेलमा २ मा जित र ३ मा हारसहित ४ अंकका साथ सातौं स्थानमा छ । अफगानिस्तानले अव श्रीलंका, नेदरल्यान्ड्स, दक्षिण अफ्रिका र अष्ट्रेलियासँग खेल्न बाँकी छ ।
नेदरल्यान्ड्स ६ खेलमा २ मा जित र ४ मा हारसहित आठौं स्थानमा छ । नेदरल्यान्ड्सले अव अफगानिस्तान, भारत र इंग्ल्यान्डसँग खेल्न बाँकी छ । बंगलादेश ६ खेलमा १ मा जित र ५ मा हारसहित २ अंकका साथ नवौं स्थानमा छ ।
विश्वकपमा शीर्ष चार टोलीले सेमिफाइनलमा स्थान बनाउनेछन् । पहिलो सेमिफाइनलमा शीर्ष र चौथो स्थानमा रहने टोली भिड्नेछन् । दोस्रो सेमिफाइनलमा दोस्रो र तेस्रो स्थानमा रहने टोलीबीच प्रतिस्पर्धा हुनेछ ।
June 30, 2024
एजेन्सी – टि ट्वान्टी विश्वकप उपाधि जितेपछि भारतीय क्रिकेट टोलीका कप्तान रोहित शर्माले टि ट्वान्टी आईबाट सन्न्यासको घोषणा गरका छन्। त्यसअघि पूर्व कप्तान विराट कोहलीले पनि टि ट्वान्टीबाट सन्न्यासको घोषणा गरेका थिए ।’यो मेरो अन्तिम खेल हो , फाइनल पछिको पत्रकार सम्मेलनमा रोहितले भने,’ जति बेलादेखि मैले यो फर्मेट खेल्न थाले रमाइलो लाग्थ्यो। मैले हरेक […]
June 30, 2024
एजेन्सी – भारतीय क्रिकेट टोलीका ब्याटर विराट कोहलीले टि ट्वान्टी आई क्रिकेटबाट सन्न्यासको घोषणा गरका छन्। भारतलाई दोस्रो पटक टि ट्वान्टी विश्वकप उपाधि जिताउने क्रममा विराटले प्लेयर अफ दि म्याच प्रदर्शन गरेका थिए। सेमिफाइनलसम्म नचलेका कोहलीले फाइनलमा ५९ बलमा ६ चौका र २ छक्कासहित ७६ रन बनाएका थिए। भारतले १७ वर्षपछि टि ट्वान्टी र १३ […]
June 29, 2024
एजेन्सी – भारतले आइसीसी टि-ट्वान्टी विश्वकप २०२४को उपाधि जितेको छ । बार्बाडोसमा भएको फाइनलमा दक्षिण अफ्रिकालाई ७ रनले हराउँदै भारतले टि-ट्वान्टी विश्वकपको उपाधि जितेको हो । भारतले दिएको १ सय ७७ रनको लक्ष्य पछ्याएको दक्षिण अफ्रीकाले निर्धारित २० ओभरमा ८ विकेटको क्षतिमा १ सय ६९ रन मात्र बनाउन सक्यो । भारतको यो दोस्रो टि-ट्वान्टी विश्वकप […]