1 year ago
October 28, 2023
एजेन्सी – नेदरल्यान्ड्सले आइसिसी विश्वकप २०२३ मा बंगलादेशलाई २ सय ३० रनको मध्यम लक्ष्य दिएको छ । इडेन गार्डेन कोलकातामा टस जितेर पहिला ब्याटिङ रोजेको नेदरल्यान्ड्स ५० ओभरमा २ सय २९ रनमा अल आउट भयो ।
नेदरल्यान्ड्सका कप्तान स्कट एडवार्ड्सले ८९ बलमा ६ चौकासहित सर्वाधिक ६८ रन बनाए । वेस्ली ब्यारेसीले ४१ बलमा ८ चौकासहित ४१ रन बनाए ।
नेदरल्यान्ड्सका ओपनर विक्रमजित सिंह ३ र म्याक्स ओडाउड शून्यमा आउट भएका थिए । मध्यक्रमका प्रमुख ब्याटर कोलिन एकरम्यानलाई सकिब अल हसनले १५ रना मुश्ताफिजुर रहमानबाट क्याच आउट गराए । बास डि लिड ३२ बलमा २ चौकासहित १७ रन बनाउँदै क्याच आउट भए ।
स्याइब्रान्ड एंगेलब्रेक्ट ६१ बलमा ३ चौकासहित ३५ रनमा मेहेदी हसन मिराजको बलमा एलबीडब्लू आउट भए । छैटौं विकेटका लागि स्कट र एंगेलब्रेक्टले १ सय ५ बलमा ७८ रनको साझेदारी गरेका थिए ।
तल्लोक्रममा तीव्र गतिका बलर लोगन भान बिक १६ बलमा २ चौका र १ छक्कासहित २३ रनमा नट आउट रहे ।
बंगलादेशका शोरिफुल इस्लाम, तस्किन अहमद, मेहेदी हसन र मुश्ताफिजुर रहमानले समान दुई विकेट लिए ।
December 21, 2024
काठमाडौं(हाम्रो खेलकुद) – कर्णाली याक्सका विपिन शर्मा नेपाल प्रिमियर लिग (एनपिएल) को उदीयमान खेलाडीको अवार्ड जितेका छन् । ट्यालेन्ट हन्टबाट छनोट भएर कर्णालीबाट एनपिएल खेलेका विपिनले ८ खेलमा १३ विकेट लिएका थिए ।
December 21, 2024
काठमाडौं(हाम्रो खेलकुद) – नेपाल प्रिमियर लिग(एनपिएल) मा सर्वोत्कृष्ट हुँदै सुदूरपश्चिम रोयल्सका कप्तान दीपेन्द्रसिंह ऐरीले कार पाएका छन् । उत्कृष्ट प्रदर्शनको सहयोगमा टोलीलाई फाइनलसम्म पुर्याउन सफल दीपेन्द्रले प्रतियोगिताको सर्वोत्कृष्ट नेपाली खेलाडी भएका हुन् । उनले ओमोडाको ६२ लाख रुपैयाँ मुल्यको कार प्राप्त गरेका हुन्।
December 21, 2024
काठमाडौं(हाम्रो खेलकुद) – ओपनर लाहिरु मिलन्थाको आक्रामक अर्धशतकमा जनकपुर बोल्ट्सले सिद्धार्थ बैंक नेपाल प्रिमियर लिग(एनपिएल) को उपाधि जितेको छ । कीर्तिपुरको टियु मैदानमा शनिवार भएको फाइनलमा सुदूरपश्चिम रोयल्सलाई ५ विकेटले हराउँदै जनकपुरले एनपिएलको पहिलो संस्करणको उपाधि जितेको हो। च्याम्पियन जनकपुरले ट्रफी सहित १ करोड १० लाख रुपैयाँ प्राप्त गर्नेछ । दोस्रो भएको सुदूरपश्चिमले ५१ लाख […]
