11 months ago
October 28, 2023
काठमाडौं (हाम्रो खेलकुद) – आइसिसी टि२० विश्वकप एसिया क्षेत्र छनोट फाइनल सोमबार देखी नेपालमा सुरु हुँदैछ । प्रतियोगिता कार्तिक १३ देखी १९ सम्म मुलपानी र टियु क्रिकेट मैदानमा हुनेछ।
नेपाल, मलेसिया, सिंगापुर र ओमान समूह ए मा छन् । समूह ए का सबै खेल टियु क्रिकेट मैदानमा हुनेछन् । समूह बी मा हङकङ, कुवेत, युएई र बहराइन छन् । समूह बी का सबै खेल मुलपानी मैदानमा हुनेछन् ।
विश्वकप छनोटबाट हरेक समूहबाट शीर्ष दुई टोली सेमिफाइनल पुग्नेछन् । सेमिफाइनल हुँदै फाइनल पुग्ने दुई टोलीले २०२४ मा अमेरिका र वेस्टइन्डिजमा हुने विश्वकप खेल्न पाउनेछन् । विश्वकप छनोटबारे सम्पूर्ण जानकारी यस प्रकार छ ।
नेपालको खेल तालिका –
कार्तिक १३ (सोमबार) – सिंगापुरसँग बिहान ९ बजे, टियु मैदान
कार्तिक १४ (मंगलबार) – मलेसियासँग दिउँसो १ : ३० बजे, टियु मैदान
कार्तिक १६ (बिहीबार) – ओमानसँग बिहान ९ बजे, टियु मैदान
सेमिफाइनल : कार्तिक १७ (शुक्रबार) – पहिलो सेमिफाइनलमा समूह ए को विजेता र समूह बी को उपविजेताबीच टियु मैदानमा बिहान ११ बजे प्रतिस्पर्धा हुनेछ ।
दोस्रो सेमिफाइनलमा समूह बी को विजेता र समूह ए को उपविजेताबीच मुलपानी मैदानमा बिहान ११ बजे खेल हुनेछ ।
फाइनल (आइतबार)- कार्तिक १९ – दुबै सेमिफाइनलका विजेता टोलीबीच । फाइनल टियु क्रिकेट मैदानमा विहान ११ बजे सुरु हुनेछ ।
लाइभ – खेलको लाइभ नेपालमा कान्तिपुर टेलिभिजनले गर्नेछ । अनलाइनमा फ्यान कोर्ड र आइसिसी टिभीबाट हेर्न सकिनेछ ।
टिकट : टिकटको मूल्य क्यानले निर्धारण गरेको छैन । क्यानको टिकेटिङ्ग पार्टनर आइएमई पेबाट छनोटका खेलहरुको टिकट काट्न सकिन्छ । त्रिकोणात्मक सिरिजमा मूल्य २ सय राखिएको थियो । छनोटमा पनि त्यहिँ मूल्य राख्ने अनुमान गरिएको छ ।
को पुग्छ विश्वकपमा ?
छनोटको फाइनलमा पुग्ने दुई टोलीले २०२४ मा अमेरिका र वेस्टइन्डिजमा हुने विश्वकप खेल्न पाउनेछन् । हरेक समूहका शीर्ष दुई टोली सेमिफाइनल खेल्नेछन् । सेमिफाइनल जित्ने टोलीहरुले विश्वकप खेल्न पाउनेछन् । नेपाल, युएई, ओमान र हङकङ प्रमुख दाबेदार टोली हुन् ।
वरियता – विश्वकप छनोट खेल्ने टोलीमा नेपालको टि२० आई वरियता १६ औं स्थानमा छ । युएई १७ औं, ओमान २० औं, हङकङ २१ औं, मलेसिया २५ औं, कुवेत २७ औं, बहराइन २८ औं र सिंगापुर ३६ औं स्थानमा छन् ।
नेपालको टोली :
नेपालको टोली :
रोहित पौडेल (कप्तान), कुशल भुर्तेल, आसिफ शेख, कुशल मल्ल, दीपेन्द्रसिंह ऐरी, सन्दीप जोरा, गुलशन झा, सोमपाल कामी, करण केसी, अभिनाश बोहरा, प्रतिश जि.सी, विवेक यादव, सन्दीप लामिछाने, ललित राजवंशी र विनोद भण्डारी ।
मैदानको बारे जानकारी
मुलपानी :
मुलपानी मैदान स्पिनर सहयोगी मानिन्छ । ब्याटर भन्दा बलरलाई बढी फाइदा मिल्न सक्छ । माथिल्लो मुलपानी मैदानमा त्रिकोणात्मक सिरिजमा ६ खेल भएका थिए । नेपालका तीव्र गतिका बलर करण केसीले सर्वाधिक १० विकेट लिएका थिए ।
त्यस्तै सोमपाल कामीले ७, अभिनाश बोहराले ५ विकेट लिएका थिए । स्पिनरको बल राम्रो टर्न भएको थियो । हङकङका स्पिनर एहसान खानले ५ र यासिम मुर्तजाले ४ विकेट लिएका थिए । तुलनात्मक रुपमा मुलपानीको बाउन्ड्री टियुको भन्दा छोटो हुनेछ ।
टियु –
टियु मैदान ब्याटिङ सहयोगी पिच मानिन्छ । गत वैशाखमा एसिसी प्रिमियर कपपछि त्रिकोणात्मक सिरिजको फाइनल भएको थियो । टियुको पिचले राम्रो विश्राम पाएको छ । त्रिकोणात्मक सिरिजको फाइनलमा तीव्र गतिका बलर र स्पिनरले राम्रो प्रदर्शन थिए । टियुको पिच ब्याटिङ सहयोगी छ ।
हरेक टोलीका प्रमुख स्टार खेलाडीहरु
नेपाल – दीपेन्द्रसिंह ऐरी (अलराउन्डर)
युएई – मोहम्मद वासिम (ब्याटर)
हङकङ – बाबर हायत(ब्याटर)
ओमान – अकिब इलियास (अलराउन्डर)
मलेसिया – विरनदीप सिंह (ब्याटर)
कुवेत – मित भावसार
सिंगापुर – जनकप्रकाश (बलर)
बहराइन – हैदर अली (ब्याटर)
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]