11 months ago
October 26, 2023
एजेन्सी – साविक विजेता इंग्ल्यान्ड आइसिसी विश्वकप २०२३ मा श्रीलंकासँग ८ विकेटले पराजित भएसँगै सेमिफाइनल सम्भावना कठिन बनेको छ । सुरुवाती पाँच मध्य चार खेलमा हार व्यहोरेपछि इंग्ल्यान्डको अंक गणीतिय सम्भावना मात्रै बाँकी रहेको थियो ।
जितको लागि १ सय ५७ रनको सामान्य लक्ष्य श्रीलंकाले २५.४ ओभरमा २ विकेट गुमाउँदै पूरा गर्यो । श्रीलंका जितमा ओपनर पाथुम निसांका ८३ बलमा ७ चौका र २ छक्कासहित ७७ रनमा नट आउट रहे । सदिरा समाराविक्रामा ५४ बलमा ७ चौका र १ छक्कासहित ६५ रनमा नट आउट रहे ।
तेस्रो विकेटका लागि सदिरा र निसांकाले १ सय ३७ रनको सानदार शतकीय साझेदारी गरेका थिए । ओपनर कुशल परेरा ४ र कप्तान कुशल मेन्डिस ११ रनमा आउट भएका थिए । एक समय २३-२ को अवस्थामा पुगेपनि सदिरा र पाथुमले सहज जित दिलाए । इंग्ल्यान्डका डेविड विल्लीले ५ ओभरमा ३० रन खर्चेर २ विकेट लिए ।
त्यसअघि बेंगलोरमा टस जितेर पहिला ब्याटिङ रोजेको इंग्ल्यान्ड ३३.२ ओभरमा १ सय ५६ रनमा अल आउट भएको थियो । इंग्ल्यान्डका बेन स्टोक्सले ७३ बलमा ६ चौकासहित सर्वाधिक ४३ रन बनाए । अन्य कुनैपनि ब्याटरले राम्रो प्रदर्शन सम्झन लायक थिएन ।
इंग्ल्यान्डलाई ओपनर डेविड मलान र जोनी बेयरस्टोले ६.३ ओभरमा ४५ रन जोड्दै राम्रो सुरुवात दिलाएका थिए । मलान स्पिनर एन्जिलो म्याथ्युजको बलमा कुशल मेन्डिसबाट २८ रनमा क्याच आउट भए । मलानले २५ बलमा ६ चौकासहित २८ रन बनाए । मलानको विकेटपछि इंग्ल्यान्डले लगातार विकेट गुमाएको थियो । कुनैपनि ब्याटरले राम्रो साझेदारी गर्न सकेनन् ।
जो रुट ३ रनमा रन अउट भए । रुट रन आउट हुनु श्रीलंकाको लागि टर्निङ प्वाइन्ट बनेको थियो । जोनी बेयरस्टो ३१ बलमा ३ चौकासहित ३० रनमा क्याच आउट भए । बेयरस्टो तीव्र गतिका बलर कसुन रजिथाको बलमा धनन्जय डि सिल्भाबाट क्याच आउट भए । त्यो समय इंग्ल्यान्ड १३.२ ओभरमा ६८-३ को अवस्थामा थियो ।
लाहिरु कुमाराको बलमा जस बटलर एक रनमा कुशल मेन्डिसबाट क्याच आउट हुँदा ७७-४ को अवस्थामा पुगेको थियो । मोईन अली १५, क्रिस वोक्स शून्य र लियाम लिभिङस्टोन १ रनमा आउट भएपछि इंग्ल्यान्ड २५.५ ओभरमा १२३-७ को दयनीय अवस्थामा पुगेको थियो । लाहिरु कुमाराको ३१ औं ओभरको पहिलो बलमा बेन स्टोक्स पुल सर्ट खेल्ने धुनमा डिप मिडविकेटमा क्याच आउट भएपछि इंग्ल्यान्डको अन्तिम आशा समाप्त भएको थियो ।
डेविड विल्ली १४ रनमा नट आउट हुँदा मार्क वुड ५ रनमा आउट भए । श्रीलंकाका तीव्र गतिका बलर लाहिरु कुमाराले ७ ओभरमा ३५ रन खर्चेर ३ विकेट लिए । एन्जिलो म्याथ्युजले ५ ओभरमा १ मेडनसहित १४ रन खर्चेर २ विकेट लिए । कसुन रजिथाले ७ ओभरमा ३६ रन खर्चेर २ विकेट लिए ।
इंग्ल्यान्ड ५ खेलमा १ मा जित र ४ मा हारसहित २ अंकका साथ नवौं स्थानमा छ । श्रीलंका ५ खेलमा २ मा जित र ३ मा हारसहित ४ अंकका साथ पाँचौं स्थानमा उक्लिएको छ । इंग्ल्यान्डले अव भारत, अष्ट्रेलिया, नेदरल्यान्ड्स र पाकिस्तानसँग खेल्न बाँकी छ । इंग्ल्यान्ड सेमिफाइनलमा पुग्न बाँकी सबै खेलमा जित्नुपर्छ । सबै खेल जित्दा १० अंकमा पुग्न सक्छ । तर १० अंक सेमिफाइनलमा पुग्न पर्याप्त हुँदैछ ।
अष्ट्रेलिया र पाकिस्तानको नतिजा पनि आफू अनुकुल आउनुपर्छ । यस विश्वकपमा घरेलु टोली भारत ५ खेलमा १० अंकका साथ शीर्षस्थानमा छ । दक्षिण अफ्रिका ५ खेलमा ४ मा जित र १ मा हारसहित ८ अंकका साथ दोस्रो स्थानमा छ । ५ खेलमा ४ मा जित र १ मा हारसहित ८ अंक भएपनि नेटरनरेटका कारण न्युजिल्यान्ड तेस्रो स्थानमा छ । अष्ट्रेलिया ५ खेलमा ६ अंकका साथ चौथो स्थानमा छ । पाकिस्तान ५ खेलमा ४ अंकका साथ छैटौं स्थानमा छ ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]