11 months ago
October 18, 2023
काठमाडौं (हाम्रो खेलकुद) – कप्तान रोहित पौडेल र अलराउन्डर दीपेन्द्रसिंह ऐरीले त्रिकोणात्मक टि२० आई सिरिजमा युएईविरुद्ध कीर्तिमानी साझेदारी गरेका छन् । नेपाललाई ७ विकेटको जित दिलाउन दीपेन्द्र र रोहितले ९३ रनको अविजित साझेदारी गरेका थिए ।
टि२० आईमा यो नेपालबाट चौथो विकेटका लागि भएको उच्च साझेदारी हो । यसअघि टि२० आईमा चौथो विकेटका लागि शरद भेषावकर र पारस खड्काले २०१४ को टि२० विश्वकपमा बंगलादेशविरुद्ध गरेको ८५ रनको साझेदारी गरेका थिए । उक्त साझेदारी दीपेन्द्र र रोहितले तोडेका हुन् ।
नेपालबाट टि२० आईमा सबैभन्दा उच्च साझेदारी कुशल मल्ल र रोहित पौडेलले केहि साताअघि मंगोलियाविरुद्ध तेस्रो विकेटका लागि १ सय ९३ रनको साझेदारी गरेका थिए ।
त्यस्तै २०१९ मा दोस्रो विकेटका लागि पारस खड्का र आरिस शेखले सिंगापुरविरुद्ध दोस्रो विकेटका लागि १ सय ४५ रनको साझेदारी गरेका थिए ।
जितको लागि १ सय ४१ रनको मध्यम विजयी लक्ष्य पछ्याएको नेपालले १८.५ ओभरमा ३ विकेट गुमाउँदै पूरा गर्यो । नेपालको जितमा कप्तान रोहित पौडेल ४० बलमा ५ चौकासहित ५१ रनमा नट आउट रहे ।
रोहितले मोहम्मद जवादुल्लाहलाई चौका प्रहार गर्दै खेल सकाउनुको साथै आफ्नो अर्धशतक पूरा गरेका थिए । टोलीलाई जितको लागि एक रन चाहिँदा रोहितले चौका हान्दै अर्धशतक पूरा गरेका थिए । दीपेन्द्रसिंह ऐरी २३ बलमा ३ चौका र १ छक्कासहित ३४ रनमा नट आउट रहे ।
त्यसअघि टस हारेर पहिला ब्याटिङको निम्तो पाएको युएईले निर्धारित २० ओभरमा ७ विकेट गुमाउँदै १ सय ४० रन बनाएको थियो ।
युएईका बासिल हामिदले ३८ बलमा १ चौका र ४ छक्कासहित सर्वाधिक ५१ रन बनाए पनि त्यो जितका लागि पर्याप्त हुन सकेन । नेपालको जितमा करण केसीले तीन, गुलशन झाले दुई, सोमपाल कामी र अभिनाश बोहराले एक एक विकेट लिए ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]