11 months ago
October 15, 2023
काठमाडौं (हाम्रो खेलकुद) – नेपाली युवा स्पिनर दीपेश कँडेलले एसिसी यू-१९ प्रिमियर कपमा बहराइनविरुद्ध अद्भूत बलिङ गर्दै ६ विकेट लिएका छन् । मलेसियाको बायोमास ओभलमा टस जितेर पहिला ब्याटिङ रोजेको बहराइनलाई ३७.५ ओभरमा ७७ रनमा अल आउट गर्न दीपेशले सानदार प्रदर्शन गरे ।
दीपेश कँडेलले ९.५ ओभरमा ८ मेडनसहित ४ रन खर्चेर ६ विकेट लिए । उनले ५९ बल गर्दा ५७ बल डटका साथ ६ विकेट लिएका हुन् । नेपालले उनलाई दोस्रो ओभरमै बलिङमा ल्याएको थियो । उनले दोस्रो बल वाइडको रुपमा फँयालेका थिए । त्यो वाइड बाहेक उनले अन्य ६ बल नै डट राखेका थिए । त्यसपछि उनले लगातार ८ ओभर सम्म कुनैपनि रन दिएका थिएनन् ।
उनलाई ब्याटरले तीन रन मात्रै प्रहार गरे । ३८ औं ओभरको दोस्रो बलमा एक र तेस्रो बलमा दुई रन दिएका थिए । त्यसपछि उनले लगातार दुई विकेट लिँदै ६ विकेट पूरा गरेका हुन् ।
उनको घातक बलिङको सहयोगमा बहराइनका १० खेलाडीले दोहोरो अंकमा रन बनाउन सकेनन् । बहराइनका मोहम्मद बासिल अब्दुल हाकिमले ७७ बलमा २ चौका र २ छक्कासहित सर्वाधिक ३४ रन बनाए ।
यू१९ क्रिकेटमा यो उनको करिअरको उत्कृष्ट प्रदर्शन हो । गत फागुनमा नेपाललाई आइसिसी यू-१९ विश्वकप २०२४ मा पुर्याउन ह्याट्रिक लिँदै उनले अविश्वसनीय प्रदर्शन गरेका थिए । आइसिसी यू१९ विश्वकप एसिया क्षेत्र छनोटमा युएईलाई ७ रनले हराउन दीपेश नायक बनेका थिए ।
४८ औं ओभरको अन्तिम तीन बलमा लगातार विकेट लिँदै नेपालको विश्वकपमा स्थान पक्का गराएका थिए । दीपेशको ५ विकेटको सहयोगमा नेपालले ८ वर्षपछि विश्वकपमा स्थान बनाउन सफल भएको थियो ।
युएईलाई जितको लागि १८ बलमा ११ रन चाहिँदा दीपेशले बलिङ गर्न आएका थिए । युएईको हातमा ३ विकेट थियो । तर दीपेशले अन्तिम तीन बलमा लगातार विकेट लिँदै नेपाललाई विश्वकपमा पुर्याएका थिए । उक्त खेलमा दीपेशले १० ओभरमा १ मेडनसहित ३१ रन खर्चेर ५ विकेट लिएका थिए ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]