11 months ago
October 11, 2023
एजेन्सी – आइसिसी विश्वकप इतिहासमा पहिलो पटक एकै खेलमा चार शतक बनेका छन् । विश्वकप इतिहासकै सर्वाधिक ठूलो लक्ष्य पाकिस्तानले पूरा गरेपछि एकै खेलमा चार शतक बनेका हुन् ।
श्रीलंकाले दिएको ३ सय ४५ रनको विशाल विजयी लक्ष्य पछ्याएको पाकिस्तानले ४८.२ ओभरमा ४ विकेट गुमाउँदै पूरा गर्यो । पाकिस्तानको जितमा मोहम्मद रिजवानले १ सय २१ बलमा ८ चौका र ३ छक्कासहित १ सय ३१ रनमा नट आउट रहे । ओपनर अब्दूल्लाह शफिकले १ सय ३ बलमा १० चौका र ३ छक्कासहित १ सय १३ रनको यादगार शतक हाने ।
त्यसअघि टस जितेर ब्याटिङ थालेको श्रीलंकाले निर्धारित ५० ओभरमा ९ विकट गुमाउँदै ३ सय ४४ रन बनाएको थियो । श्रीलंकाका कुशल मेन्डिसले ७७ बलमा १४ चौका र ६ छक्कासहित १ सय २२ रनको विष्फोटक शतकीय इनिङ खेलेका थिए । सदिरा समराविक्रमाले ७९ बलमा ११ चौका र २ छक्कासहित १ सय ८ रन शतकीय इनिङ खेलेका थिए ।
यस अघि विश्वकपका कुनैपनि खेलमा चार शतक बनेका थिएनन् । बढीमा तीन शतकसम्म बन्दै आएका थिए । यसै विश्वकपमा दक्षिण अफ्रिका तीन ब्याटरले शतक प्रहार गरेपछि श्रीलंकाविरुद्ध ४ सय २८ रन बनाएको थियो । उक्त खेलमा दक्षिण अफ्रिका क्विन्टन डि कक १ सय, रास्सी भान डर डुसेन १ सय ८ र एडेन माक्ररम १ सय ६ रनमा आउट भएका थिए । एकै इनिङमा विश्वकपमा पहिलो पटक चार शतक बनेका थिए ।
समग्र ओडिआई इतिहामा यो तेस्रो पटक मात्रै एकै खेलमा चार शतक बनेका हुन् । यसअघि सन् १९९८ मा अष्ट्रेलिया र पाकिस्तानबीच तेस्रो ओडिआई खेलमा चार शतक प्रहार भएको थियो ।
पाकिस्तानबाट इजाद अहमद र मोेहम्मद युसुफले क्रमश १ सय ११ र १ सय रन बनाएपछि पाकिस्तानले ५० ओभरमा ८ विकेट गुमाउँदै ३ सय १५ रन पूरा गरेको थियो । एडम गिलक्रिष्ट १ सय ३ र रिकी पोन्टिङले १ सय २४ रन बनाएपछि अष्ट्रेलियाले उक्त लक्ष्य ४८.५ ओभरमा ४ विकेट गुमाउँदै पूरा गरेको थियो।
२०१३ मा भारत र अष्ट्रेलियाबीच खेलमा पनि चार शतक बनेका थिए । जर्ज बेली १ सय ५६ र शेन वाटसनले १ सय २ रन बनाएपछि अष्ट्रेलियाले निर्धारित ५० ओभरमा ६ विकेट गुमाउँदै ३ सय ५० रन बनाएको थियो । शिखर धवन १ सय र विराट कोहलीले १ सय १५ रन बनाएपछि भारतले ४९.३ ओभरमा ४ विकेट गुमाउँदै पूरा गरेको थियो । यी दुबै खेल सिरिज थिए ।
यो विश्वकप इतिहासकै ठूलो लक्ष्य पूरा पनि हो । विश्वकपमा सबैभन्दा ठूलो योगफल २०११ मा आयरल्यान्डले इंग्ल्यान्डविरुद्ध ३ सय २८ रनको लक्ष्य पूरा गरेको थियो । २०११ को विश्वकपमा ३ सय ३९ रनको विशाल विजयी लक्ष्य पछ्याएको इंग्ल्यान्डले खेल टाई गरेको थियो ।
September 7, 2024
एजेन्सी – अस्ट्रेलियाले स्कटल्याण्ड विरुद्धको टि ट्वान्टी आई सिरिजमा क्लिन स्विप गरेको छ । स्कटल्याण्ड भ्रमणमा रहेको अस्ट्रेलियाले शनिवार तेस्रो टि ट्वान्टी आई ६ विकेटले जितेपछि सिरिजमा क्लिन स्विप गरेको हो । अस्ट्रेलियाले पहिलो खेल ७ विकेटले र दोस्रो ७० रनले जितेको थियो । स्कटल्याण्डले दिएको १ सय ५० रनको लक्ष्य अस्ट्रेलियाले १६.१ ओभरमा ४ […]
September 7, 2024
काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ। गोल डिगर्सले फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो । अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने । धन्यन्तरी स्पोर्ट्स हबमा शनिवार भएको […]
September 7, 2024
एजेन्सी – कप्तान ओली पोपको शतकको सहयोगमा श्रीलंकाविरुद्धको तेस्रो टेस्टमा इङ्ग्ल्यान्डले मजबुत सुरुवात गरेको छ । टेस्ट सिरिज लागि श्रीलंका इङ्ल्ग्यान्ड भ्रमणमा रहेको छ । टस हारेर ब्याटिङको निम्तो पाएको घरेलु टोलीले पहिलो दिन शुक्रवारको खेल सकिदा ३ विकेट गुमाएर २ सय २१ रन बनाएको छ । टोलीका लागि यस सिरिजमा कप्तानी सम्हालिरहेका ओली १ […]