कटक (एजेन्सी) – भारत र इंग्ल्यान्डबिच जारि वान-डे शृंखला अन्तर्गत बिहिबार भएको दोश्रो खेलमा भारतका पुर्व कप्तान महेन्द्र सिंह धोनी र युवराज संघले शतक प्रहर गरेपछि भारत १५ रनले विजय भएको छ।

धोनी र युवराज

टस जितेर पहिलो बलिङ रोजेको इंग्ल्यान्डको लागि सुरुवात राम्रै रहेको थियो। भारत २५ रनको स्थितिमा हुँदा ओपनर राहुल र धवनसंगै कप्तान बिराट कोहली पेभेलियन फर्किसकेका थिए। तर चौथो विकेटका लागि युवराज सिंह र महेन्द्र सिंह धोनीले २ सय ६ रनको साझेदारी गरेपछि भारतले इङ्गल्यान्ड सामु ३ सय ८२ रनको लक्ष्य प्रस्तुत गर्यो।

युवराजले १२७ बलको सामना गर्दै ३ छक्का र २१ चौकको मद्दतले १५० रन बनाएका थिए। यो उनको वान डेमा सर्वोत्कृष्ट स्कोर पनि हो। महेन्द्र सिंह धोनीले पनि शतकीय परि खेल्दै छ छक्का र १० चौकको मद्दतले १२२ बलमा १३४ रन बनाए। इंग्ल्यान्डका लागि क्रिस वोक्सले चार विकेट लिएका थिए।

३ सय ८२ रनको लक्ष्य लिएर मैदानमा उत्रिएको इंग्ल्यान्डले ओपनर एलेक्स हेल्सलाइ १४ रनमै गुमाएपनि दोश्रो विकेटका लागि रोय र रुटले शतकीय साझेदारी निभाएका थिए। कप्तान ओईन मोर्गनले शतकीय पारी खेलेपनि अर्कोतर्फ लगातार विकेट झरेपछि इंग्ल्यान्ड जितको नजिक पुगेर पनि पराजित भएको थियो।

मोर्गनले ८१ बलमा छ चौका र पाँच छक्का प्रहार गर्दै १०२ रन बनाए। उनि ४९औं ओभरमा रनआउट भएका थिए। भारतका लागि आश्विनले ३ विकेट, बुमराहले दुइ विकेट र जडेजा र कुमारले १-१ विकेट लिए।